تیسرے ضمنی بلدیاتی انتخابات ، کاغذات نامزدگی جمع کرانیکا سلسلہ کا آ غا ز

بدھ 10 ستمبر 2025 23:20

پشاور (اُردو پوائنٹ اخبارتازہ ترین - اے پی پی۔ 10 ستمبر2025ء) خیبرپختونخوا کے مختلف اضلاع میں نیبرہڈ/ ویلیج کونسلوں میں مختلف کیٹگریز کی 913 خالی نشستوں پر تیسرے ضمنی بلدیاتی انتخابات ، کاغذات نامزدگی جمع کرانیکا سلسلہ کا آ غا ز ہو گیا جو 12 ستمبر تک جاری رہیگا۔الیکشن کمیشن خیبرپختونخوا کی جانب سے جاری شدہ اعلامیہ کے مطابق مذکورہ انتخابات 19اکتوبر 2025 کو ہوں گے۔

15ستمبر2025 کو کاغذات نامزدگی جمع کرانیوالے امیدواروں کی فہرست جاری کی جائیگی، کاغذات نامزدگیوں کی جانچ پڑتال 16 ستمبر سے 18 ستمبر 2025 کو ہوگی۔19ستمبر 2025 کو کاغذات نامزدگی منظور کئے جانیوالے امیدواروں کی فہرست جاری ہوگی۔کاغذات کی منظوری اور مسترد ہونے کے خلاف اپیلیں 20 ،22 اور23 ستمبر 2025 تک داخل کی جاسکیں گی۔

(جاری ہے)

ان اپیلوں پر فیصلہ 26 ستمبر 2025 تک کیا جائیگا جبکہ امیدوار اپنے کاغذات نامزدگی سے 29 ستمبر 2025 تک واپس لے سکیں گے۔

30 ستمبر 2025کو امیدواروں کی حتمی فہرست جاری کرکے ان کو انتخابی نشانات الاٹ کئے جائیں گے۔ پولنگ 19 اکتوبر 2025 کو ہوگی۔22 اکتوبر 2025 کو ریٹرننگ افسران حتمی نتائج کا اعلان کریں گے۔ الیکشن کمیشن آف پاکستان کی جانب سے جاری ضابطہ اخلاق کے مطابق ان اضلاع میں سرکاری ملازمین کی تقریوں اور تبادلوں پر پابندی عائدکی گئی ہے۔وزیراعظم، سپیکر/ڈپٹی سپیکر قومی و صوبائی اسمبلی، وفاقی اور صوبائی وزراء سمیت عوامی عہدیدار کا ان کونسلوں میں انتخابات تک جانے اور وہاں ترقیاتی منصوبوں کے اعلانات پر پابندی ہوگی۔