سابق وزیراعلیٰ پنجاب چودھری پرویز الہٰی کی ایک روزہ حاضری معافی کی درخواست منظور

بدھ 10 ستمبر 2025 20:06

لاہور(اُردو پوائنٹ اخبارتازہ ترین - آن لائن۔ 10 ستمبر2025ء) اینٹی کرپشن عدالت لاہور نے سابق وزیراعلیٰ پنجاب چودھری پرویز الہٰی کی ایک روزہ حاضری معافی کی درخواست منظور کر لی۔وکیل نے مؤقف اختیار کیا کہ ان کے موکل کی طبیعت ناساز ہے، لہٰذا عدالت ایک روزہ حاضری سے استثنا دے جس پر عدالت نے درخواست منظور کر لی۔

(جاری ہے)

اینٹی کرپشن عدالت لاہور کے جج جاوید اقبال وڑائچ نے پنجاب اسمبلی میں مبینہ غیر قانونی بھرتیوں سے متعلق چودھری پرویز الہٰی سمیت دیگر کے خلاف کیس کی سماعت کی، سرکاری وکیل تنویر چودھری ایڈووکیٹ عدالت میں پیش ہوے شریک ملزمان اعجاز، زوہیب اور حیدر شفقات نے اپنی بریّت کی درخواستیں دائر کیں، جن پر عدالت نے اینٹی کرپشن حکام کو نوٹسز جاری کرتے ہوئے آئندہ سماعت پر دلائل طلب کر لئے۔

اسی طرح شریک ملزم مختار رانجھا کی بریّت کی درخواست پر بھی عدالت نے اگلی سماعت پر وکلا سے دلائل طلب کئے ہیں۔بعدازاں عدالت نے کیس کی مزید سماعت 8 اکتوبر تک ملتوی کر دی۔