پاکستان باڈی بلڈنگ فیڈریشن کی جنرل کونسل کا اجلاس 19 ستمبر کو فیصل آباد میں ہوگا

بدھ 10 ستمبر 2025 19:40

اسلام آباد (اُردو پوائنٹ اخبارتازہ ترین - اے پی پی۔ 10 ستمبر2025ء) پاکستان باڈی بلڈنگ فیڈریشن کی جنرل کونسل کا اجلاس 19 ستمبر کو فیصل آباد میں منعقد ہوگا جس کی صدارت فیڈریشن کے صدر محمد طارق حسن کریں گے۔

(جاری ہے)

اجلاس میں پاکستان باڈی بلڈنگ فیڈریشن کے سیکرٹری جنرل سہیل انور فیڈریشن کی گزشتہ دو ماہ کی کارکردگی پر رپورٹ پیش کریں گے اور اجلاس میں تھائی لینڈ کے شہر بنکاک میں کھیلی گئی ایشین باڈی بلڈنگ چیمپئن شپ میں قومی ٹیم کے کھلاڑیوں کی بے مثال اور شاندار کارکردگی، رواں برس نومبر میں انڈونیشیا میں کھیلی جانے والی ورلڈ چیمپئن شپ میں شرکت کے حوالے سے رپورٹ پیش کی جائے گی۔

اس کے علاوہ پاکستان باڈی بلڈنگ فیڈریشن کے اخراجات اور آئندہ کے آنے بین الاقوامی میں شرکت اور قومی ٹورنامنٹس کے انعقاد کی بھی منظوری دی جائے گی۔