Live Updates

پی ایچ اے ملتان سیلاب متاثرین کے لیئے امدادی سر گرمیوں میں مصروف عمل ہے ،ڈی جی پی ایچ اے

جمعرات 11 ستمبر 2025 19:09

ملتان (اُردو پوائنٹ اخبارتازہ ترین - اے پی پی۔ 11 ستمبر2025ء) ڈی جی پی ایچ اے ملتان کریم بخش نے کہا کہ ڈویژنل اورضلعی انتظامیہ کے ہمراہ پی ایچ اے ملتان شانہ بشانہ سیلاب متاثرین کے لیئے امدادی سر گرمیوں میں مصروف عمل ہیں،پی ایچ اے ملتان اپنی ذمہ داریاں سر انجام دیتا رہے گا۔ملازمین کے لیئے ڈیوٹی کے احکامات جاری کر دیئے گئے ہیں۔

(جاری ہے)

انہوں نے مزیدکہاکہ پی ایچ اے ملتان سیلاب زدگان کے لیئے کی جانیوالی امدادی سرگرمیوں میں سر گرم قاسم بیلہ،خیر پور بھٹہ،مظفر آباد،جلال آباد میں قائم ریلیف کمپنیوں میں پی ایچ اے کی جانب سے صاف پانی کی فراہمی جاری ہے،پل لنگڑیال پر امدادی کیمپ میں بچوں کے لیئے جھولوں کی تنصیب کی گئی ہے۔

42مالی اور سیکو رٹی گارڈ زامدادی سرگرمیوں میں مصروف عمل ہیں،ملازمین تین شفٹ میں ذمہ داریاں سر انجام دے رہے ہیں۔اس کے ساتھ ساتھ مالی اور سیکورٹی گارڈ جلال پور میں بھی امدادی سرگرمیوں میں مصروف ہیں۔