خاران ،نامعلوم افراد کی فائرنگ ، 4افرادہلاک، 4افراد اغواء

جمعرات 11 ستمبر 2025 20:50

کوئٹہ(اُردو پوائنٹ اخبارتازہ ترین - این این آئی۔ 11 ستمبر2025ء)خاران کے علاقے میں نامعلوم افراد نے فائرنگ کرکے 4افرادکو ہلاک جبکہ 4افراد کو اغواء کرکے اپنے ہمراہ لے گئے۔

(جاری ہے)

ڈی ایس پی خاران پولیس گل محمد گرگناڑی نے بتایا کہ خاران کے علاقے پتکن میں نامعلوم افراد نے خیموں میں رہائش پذیر خانہ بدوش پر فائرنگ کرکے 4افراد جنگی خان ،صاحب خان ،نصرت عرف اشرف اور ثناء اللہ کو ہلاک جبکہ 4افراد صابر ، بہادرخان ، نوکر خان اور احمد خان کواغواء کرکے اپنے ہمراہ لے گئے۔ انہوں نے بتایا کہ ہلاک ہونے والوں میں 3سگے بھائی بھی شامل ہیں۔ پولیس نے نعشیں قبضے میں لیکر ضروری کارروائی کے بعدورثاء کے حوالے کردی اور مقدمہ درج کرکے اغواء ہونے والے افراد کی بازیابی کیلئے کوششیں تیز کردیں۔