5 اکتوبر احتجاج کیس،علیمہ خان اور عظمیٰ خان کی عبوری ضمانت میں توسیع

جمعہ 12 ستمبر 2025 14:25

لاہور (اُردو پوائنٹ اخبارتازہ ترین - این این آئی۔ 12 ستمبر2025ء)انسداد دہشت گردی عدالت لاہور نے 5اکتوبر کو پولیس پر مبینہ تشدد اور جلا گھیرا کیس میں علیمہ خان اور عظمیٰ خان کی عبوری ضمانت میں توسیع کر دی۔ اے ٹی سی کے جج منظر علی گل نے بانی پی ٹی آئی کی بہنوں علیمہ خان اور عظمی خان کی عبوری ضمانت کی درخواستوں پر سماعت کی۔

(جاری ہے)

سماعت کے دوران علیمہ خان اور عظمی خان کی جانب سے ایک روزہ حاضری معافی کی درخواست جمع کروائی گئی۔

درخواست میں مقف اختیار کیا گیا کہ علیمہ خان اور عظمی خان اسلام آباد میں ہیں جہاں بانی پی ٹی آئی سے ملاقات اور کیس کی سماعت کے سلسلے میں گئی ہوئی ہیں۔بعدازاں عدالت نے مقدمہ کا ریکارڈ پیش نہ ہونے پر سماعت 17اکتوبر تک ملتوی کر دی اور دونوں کی عبوری ضمانت میں بھی اسی تاریخ تک توسیع کر دی ساتھ ہی دونوں کی عدالت سے حاضری معافی کی درخواست بھی منظور کر لی۔