اسرائیلی وزیراعظم نے مغربی کنارے متنازعہ آبادکاری منصوبے پر باقاعدہ دستخط کر دیئے

جمعہ 12 ستمبر 2025 16:39

تل ابیب(اُردو پوائنٹ اخبارتازہ ترین - این این آئی۔ 12 ستمبر2025ء)اسرائیلی وزیراعظم نیتن یاہو نے فلسطینی ریاست کے قیام کی نفی کر دی۔اپنے بیان میں نیتن یاہو نے کہا کہ فلسطینی ریاست کبھی نہیں بنے گی، فلسطینیوں کو خودمختاری نہیں دی جائے گی۔اسرائیلی وزیراعظم نیتن یاہو نے مغربی کنارے میں متنازعہ آبادکاری منصوبے پر باقاعدہ دستخط کر دیئے۔

(جاری ہے)

نیتن یاہو نے کہا کہ مغربی کنارے میں ہزاروں نئے گھروں کی تعمیر کی جائے گی، منصوبہ مغربی کنارے کو مشرقی یروشلم سے مکمل طور پر کاٹ دے گا۔

فلسطینی قیادت نے نیتن یاہو کے بیان کو ناانصافی قرار دیا، عالمی برادری نے نیتن یاہو کے موقف پر تشویش کا اظہار کیا۔عالمی برادری کا کہنا تھا کہ اسرائیلی وزیراعظم نیتن یاہو کا یہ بیان مشرق وسطی امن عمل کے لیے بڑا دھچکا ہے۔