صوبائی ترقیاتی ورکنگ پارٹی کے اجلاس میں 9ارب 30 کروڑ روپے کے فنڈز منظور

جمعہ 12 ستمبر 2025 17:11

لاہور (اُردو پوائنٹ اخبارتازہ ترین - این این آئی۔ 12 ستمبر2025ء)پنجاب پلاننگ اینڈ ڈویلپمنٹ بورڈ نے مالی سال 2025-26کے صوبائی ترقیاتی ورکنگ پارٹی کے 28ویں اجلاس میں مختلف سیکٹرز کی ترقیاتی سکیموں کے لئے 9ارب 30کروڑ روپے کے فنڈز کی منظوری دے دی گئی ۔ اجلاس کی صدارت چیئرمین پی اینڈ ڈی بورڈ ڈاکٹر نعیم رئوف نے کی ۔

(جاری ہے)

اجلاس میں جن منصوبوں کی منظور ی دی گئی ان میں ٹیوٹا میں تعمیراتی اور مہمان نوازی لیبز کی توسیع کیلئے 2ارب 51کروڑ ، گورنمنٹ کالج آف ٹیکنالوجی منڈی بہائوالدین کی تعمیر کے لیے 97کروڑ روپے ، پی پی آئی سی 3کی اپ گریڈیشن اور اصلاح کیلئے 5ارب 81کروڑ کی منظوری دی گئی۔

اسکے علاہ صوبائی ترقیاتی ورکنگ پارٹی اجلاس میں پنجاب اسمبلی میں ممبران اسمبلی کے لیے ریسورس سینٹر اور ٹریننگ سسٹم اور سیٹیزن سینٹرک لیگل انفارمیشن اسسٹینس اور پنجاب کے 19اضلاع میں سمارٹ سیف سیٹیز فیز ٹو کے پوزیشن پیپرز کی بھی منظوری دی گئی ۔ اجلاس میں سیکرٹری پی اینڈ ڈی رفاقت علی ، چیف اکانومسٹ مسعود انور،ممبران پی اینڈ ڈی بورڈ اور متعلقہ سیکٹرز کے افسران بھی شریک ہوئے۔