Live Updates

چینی ناظم الامور شی یانکیانگ کا نیشنل ایمر جنسیز آپریشن سینٹر کا دورہ، حالیہ سیلابی صورتحال کے حوالے سے بریفنگ

جمعہ 12 ستمبر 2025 17:47

اسلام آباد (اُردو پوائنٹ اخبارتازہ ترین - اے پی پی۔ 12 ستمبر2025ء) چینی ناظم الامور شی یانکیانگ کا این ڈی ایم اے میں نیشنل ایمر جنسیز آپریشن سینٹر کا دورہ کیا جہاں پر انھیں این ڈی ایم اے ٹیم کی جانب سے حالیہ سیلابی صورتحال اور امدادی کاروائیوں کے حوالے سے بریفنگ دی گئی۔ ترجمان این ڈی ایم کے مطابق چیئرمین این ڈی ایم اے لیفٹیننٹ جنرل انعام حیدر ملک کی متاثرہ علاقوں میں ریلیف اور ریسکیو اقدامات پر تفصیلی بریفنگ دی۔

(جاری ہے)

این ڈی ایم اے کی جانب سے صوبائی و علاقائی اداروں کے ساتھ مربوط حکمت عملی اور مشترکہ اقدامات کے حوالے سے آگاہ کیا گیا۔ معززمہمان جو سیلا ب متاثرہ علاقوں میں تمام متعلقہ اداروں کی جانب سے جاری امداد اور بحالی کے اقدامات کے حوالے سے بھی آگاہ کیا گیا۔ انھیں آفات سے نمٹنے اور پیشگی اقدامات کو یقینی بنانے کے لیے موسمی صورتحال کے جائزہ اورجدید ٹیکنالوجی کے استعمال پر بریفنگ دی گئی۔چینی ناظم الامور نے این ڈی ایم اے کے بروقت اقدامات اور موثر ریسپانس کو سراہتے ہوئے پاکستان کے آفات سے نمٹنے کے شعبہ کو بہترین قرار دیا اور چینی حکومت کی جانب سے شی یانکیانگ کی سیلا ب متاثرین کی مدد کے لیے بھر پور تعاون کی یقین دہائی کرائی۔