سستی گاڑیوں ، سرمایہ کاری کے نام پر شہریوں کو لوٹنے والے گروہ کا رکن گرفتار

ہفتہ 13 ستمبر 2025 14:25

لاہور (اُردو پوائنٹ اخبارتازہ ترین - این این آئی۔ 13 ستمبر2025ء) ایف آئی اے کارپوریٹ کرائم سرکل لاہور نے کارروائی کر کے سستی گاڑیوں ، سرمایہ کاری کے نام پر شہریوں کو لوٹنے والے گروہ کے رکن کو گرفتار کر لیا ۔

(جاری ہے)

ترجمان کے مطابق نوسرباز گروہ 37شہریوں سے 4کروڑ 51لاکھ روپے سے زائد وصول کر چکا، ملزم زنیر رائل بلیو انٹرپرائزز پرائیویٹ لمیٹڈ کمپنی کے بزنس ڈیویلپمنٹ آفیسر کی آڑ میں فراڈ کر رہا تھا، ملزم کم مارک اپ لیز پر گاڑیاں دینے کا جھانسہ دیکر شہریوں سے کروڑوں روپے ہتھیانے میں ملوث ہے، ملزم دیگر ساتھیوں کے ساتھ مل کر شہریوں کو فراڈ کا نشانہ بنا رہا تھا، ملزمان شہریوں سے 20فیصد ڈائون پیمنٹ وصولی کے بعد کم مارک اپ پہ گاڑیاں لیز پہ دینے کا جھانسہ دے رہے تھے، ملزم کے دیگر ساتھیوں کی گرفتاری کے لیے چھاپہ مار کاروائیاں جاری ہیں۔