سرینگر ، ہائیکورٹ نے اسلام آباد کے رہائشی امتیاز احمد کی کالے قانون کے تحت گرفتاری کالعدم قرار دیدی

ہفتہ 13 ستمبر 2025 22:17

سرینگر (اُردو پوائنٹ اخبارتازہ ترین - این این آئی۔ 13 ستمبر2025ء)بھارت کے غیر قانونی زیر قبضہ جموں و کشمیر میں ہائی کورٹ نے ایک کشمیری شخص کی کالے قانون ’’پبلک سیفٹی ایکٹ ‘‘ کے تحت نظر بندی کالعدم قرار دیتے ہوئے انتظامیہ کو انکی فوری رہائی کے احکامات دیئے۔

(جاری ہے)

کشمیر میڈیا سروس کے مطابق ہائیکورٹ نے فیصلہ دیا کہ ضلع اسلام آباد کے رہائشی امتیاز احمد گنائی کی گرفتاری کا کوئی قانونی جواز نہیں ہے ۔ انکی گرفتاری غلط شناخت کی بنیاد پر عمل میں لائی گئی ہے لہٰذا انہیں فوری رہاکیا جائے۔جسٹا موکشا کاظمی پر مشتمل ہائیکورٹ کے یک رکنی بنچ نے کہا کہ گنائی کے خلاف ایک بے بنیاد مواد تیار کیا گیا ، یہ مواد در اصل اسی نام کے ایک دوسرے شخص سے متعلق تھا اور گنائی کو پھنسایاگیا۔