صدر آصف علی زرداری کا چین کے ایوی ایشن انڈسٹری کارپوریشن (AVIC) کے ایئرکرافٹ کمپلیکس کا تاریخی دورہ

اتوار 14 ستمبر 2025 18:00

ز*بیجنگ (اُردو پوائنٹ اخبارتازہ ترین - آن لائن۔ 14 ستمبر2025ء)صدر آصف علی زرداری نے چین کے ایوی ایشن انڈسٹری کارپوریشن (AVIC) کے ایئرکرافٹ کمپلیکس کا تاریخی دورہ کیا۔یہ دورہ بھارت کے ساتھ جنگ بندی کے 128ویں دن ہوا۔صدر مملکت مسلح افواج کے سپریم کمانڈر کی حیثیت سے AVIC کمپلیکس پہنچے۔صدر نے پورے کمپلیکس کا دورہ کیا جہاں جی-10 سی طیارہ تیار کیا جاتا ہے۔

جی-10 سی نے معرکہ حق میں کلیدی کردار ادا کیا۔صدر آصف علی زرداری نے انجینئرز اور سائنسدانوں سے ملاقات کی۔صدر کو جی-10، جے ایف-17 اور جی-20 اسٹیلتھ فائٹرز پر بریفنگ دی گئی۔صدر کو ڈرونز، خودکار یونٹس اور ملٹی ڈومین آپریشنز کے بارے میں بھی بتایا گیا۔صدرپاکستان نے کہا کہ جی-10 اور جے ایف-17 نے پاک فضائیہ کو مضبوط بنایا، مئی 2025 کے معرکہ حق اور آپریشن بنیان المرصوص میں ان طیاروں کی کارکردگی نمایاں رہی،صدر نے AVIC کو چین کی ٹیکنالوجی اور پاک-چین اسٹریٹجک شراکت داری کی علامت قرار دیا۔

(جاری ہے)

صدر زرداری پہلے غیر ملکی سربراہ ہیں جنہوں نے اس کمپلیکس کا دورہ کیا۔چیئرمین بلاول بھٹو، فرسٹ لیڈی آصفہ بھٹو اورسینیٹر سلیم مانڈوی والا بھی صدر کے ہمراہ تھے۔پاکستانی سفیر خلیل ہاشمی اور چینی سفیر جیانگ زائی ڈونگ بھی صدر مملکت کے ہمراہ تھے۔پاکستان چین کے ساتھ دفاعی پیداوار اور ہوا بازی میں تعاون بڑھانے کا عزم رکھتا ہے۔