Live Updates

ٹ*امریکہ کی جانب سے پاکستان کے سیلاب متاثرین کے لیے معاونت کی فراہمی

اتوار 14 ستمبر 2025 18:00

+اسلام آباد(اُردو پوائنٹ اخبارتازہ ترین - آن لائن۔ 14 ستمبر2025ء)ریاستہائے متحدہ امریکہ،پاکستان میں آنے والے تباہ کُن سیلاب سے شدید متاثرہ لوگوں کے ساتھ اس مشکل گھڑی میں کھڑا ہے۔متاثرہ کمیونٹیوں کو خوراک، پناہ گاہ، اور زندگی بچانے والی، آفات سے نجات کی دیگر اقسام فراہم کر رہا ہے۔اس کے علاوہ، امریکی فوج نے پاکستانی فوج کو ضروری سامان پہنچایا، جو نور خان ایئر بیس پر پہنچا۔

(جاری ہے)

معاونت کی پہلی کھیپ سے لدے ہوئے سی-سیونٹین اور سی- ون تھرٹی جہازوں کی آمد اور سامان کی ترسیل کے موقع پر امریکی مشن پاکستان کی ناظم الاُمور نیٹلی بیکر بھی موجود تھیں۔ اس موقع پر نیٹلی بیکر نے پاکستان کے عوام کے ساتھ گہری ہمدردی کا اظہار کرتے ہوئے کہا کہ سیلاب میں ہونے والے جانی نقصان اور گھروں اور معاشی ذرائع کی تباہی پر امریکہ انتہائی غمزدہ ہے۔انہوں نے کہا کہ حکومتِ پاکستان کی درخواست پر امریکی محکمہ خارجہ اور امریکی فوج نے بیرونی معاونت کی منظوری دی اور سیلاب سے متاثرہ علاقوں میں جاری قومی امدادی کارروائیوں میں معاونت کے لئیہنگامی ضروریات کی اشیاء اور سامان فراہم کیا گیا ہے۔