پاکستان سٹاک ایکسچینج میں تیزی کا رجحان،کے ایس ای 100 انڈیکس624.94 پوائنٹ بڑھ کر 155064.62 پوائنٹس پر پہنچ گیا

پیر 15 ستمبر 2025 12:20

اسلام آباد (اُردو پوائنٹ اخبارتازہ ترین - اے پی پی۔ 15 ستمبر2025ء) پاکستان سٹاک ایکسچینج میں کاروباری ہفتے کے آغاز پر تیزی کا رجحان رہا ۔ پیر کو کے ایس ای 100 انڈیکس میں دوپہر پونے بارہ بجے تک 624.94 پوائنٹس کا اضافہ ریکارڈ کیا گیا جس سے یہ 155064.62 پوائنٹس تک پہنچ گیا۔کے ایس ای 30 انڈیکس 214.41 پوائنٹس کے اضافے کے بعد 47334.31 پوائنٹس تک پہنچ گیا جبکہ اسلامی مالیات کا حامل کے ایم آئی 30 انڈیکس 259.46 پوائنٹس کے اضافے کے بعد 226385.17 پوائنٹس تک پہنچ گیا۔

(جاری ہے)

گزشتہ کاروباری ہفتے کے آخری روز کے ایس ای ہنڈرڈ انڈیکس میں 1701 پوائنٹس کی کمی ریکارڈ کی گئی تھی اور انڈیکس ایک لاکھ 54 ہزار 439 پوائنٹس پر بند ہوا تھا ،تاہم پیر کو کاروبار میں زبردست تیزی دیکھنے میں آئی اور سرمایہ کاروں کی جانب سے دوبارہ اعتماد کے اظہار اور پراعتماد سرمایہ کاری کی وجہ سے مارکیٹ میں زبردست تیزی رہی۔ اقتصادی تجزیہ نگاروں کے مطابق حالیہ معاشی اشاریوں میں بہتری اور حکومت کی جانب سے جاری اقتصادی اصلاحات کے مثبت اثرات مارکیٹ میں بھی نظر آر ہے ہیں۔ توانائی ، بینکنگ اور سیمنٹ سازی کے شعبے میں نمایاں خریداری دیکھنے میں آر ہی ہے۔