اسرائیلی وزیراعظم کی ہٹ دھرمی برقرار، حماس رہنماؤں پر مزید حملوں کی دھمکی

پیر 15 ستمبر 2025 20:00

تل ابیب (اُردو پوائنٹ اخبارتازہ ترین - این این آئی۔ 15 ستمبر2025ء)اسرائیلی وزیراعظم نیتن یاہو کی ہٹ دھرمی برقرار ہے، حماس رہنماؤں پر مزید حملوں کی دھمکی دیدی۔

(جاری ہے)

تل ابیب میں امریکی وزیر خارجہ مارکو روبیو کے ساتھ مشترکہ پریس کانفرنس میں نیتن یاہو نے دوحہ میں حماس قیادت پر حملے کی ذمہ داری قبول کرتے ہوئے کہا کہ حماس قیادت کہیں بھی ہو اسے نشانہ بنانے کا امکان مسترد نہیں کرسکتے۔

انہوں نے کہا کہ دونوں ممالک کے تحفظ کیلئے امریکا کے ساتھ مل کر بھرپور قوت سے کارروائیاں جاری رکھیں گے۔امریکی وزیر خارجہ مارکو روبیو نے اسرائیل کو امریکا کا بہترین اتحادی قرار دے دیا اور دہشت گردی کے مقابلے میں اسرائیل کے ساتھ کھڑا ہونے کے عزم کا اظہار کیا۔مارکو روبیو نے کہا کہ حماس کو مسلح گروہ کے طور پر ختم ہونا چاہیے۔