پیپلز پارٹی کے سابق ایم این اے روشن دین جونیجو سپردِ خاک

منگل 16 ستمبر 2025 16:35

حیدرآباد (اُردو پوائنٹ اخبارتازہ ترین - اے پی پی۔ 16 ستمبر2025ء) پاکستان پیپلز پارٹی کے سابق رکنِ قومی اسمبلی روشن دین جونیجو کی نمازِ جنازہ اُن کے آبائی گاؤں سنجر خان جونیجو میں ادا کر دی گئی ۔ نمازِ جنازہ میں سیاسی و سماجی رہنماؤں، کارکنوں، رشتہ داروں اور شہریوں کی بڑی تعداد شریک ہوئی۔

(جاری ہے)

جنازے میں قومی اسمبلی کے ڈپٹی سپیکر سید غلام مصطفیٰ شاہ، ارکانِ قومی اسمبلی صلاح الدین جونیجو، عبدالقادر گیلانی، صادق میمن، ذوالفقار بھن، صوبائی وزراء ذوالفقار علی شاہ اور مخدوم محبوب الزمان، رکنِ سندھ اسمبلی امداد پتافی، سابق ایم این اے محمد خان جونیجو، رکنِ سندھ اسمبلی جام شبیر علی خان، سابق سینیٹر ملک امام الدین شوقین، سابق صوبائی وزیر فراز ڈیرو، اصغر علی جونیجو اور دیگر سیاسی شخصیات معشوق چانڈیو، لیاقت مری، جام نفیس علی خان، رانا ستار، سانول ڈیرو، لالا محمد ایوب خان، علی غلام نظامانی، اصغر علی جونیجو، شکیل مری، عطا اللہ جونیجو، انیل گل جونیجو اور جہانگیر جونیجو سمیت بڑی تعداد میں شریک ہوئیں۔

مرحوم کو سوگواروں کی موجودگی میں تاریخی ساياتن قبرستان میں سپردِ خاک کر دیا گیا۔