Live Updates

ں*قائم مقام چیئرمین سینیٹ سے ایف پی سی سی آئی کے وفد اور سینئر صحافیوں کی ملاقات

kپاکستانی صنعت ملکی معیشت کی ریڑھ کی ہڈی ہی: سیدال خان

منگل 16 ستمبر 2025 20:05

1 اسلام آباد(اُردو پوائنٹ اخبارتازہ ترین - آن لائن۔ 16 ستمبر2025ء) قائم مقام چیئرمین سینیٹ سیدال خان سے فیڈریشن آف پاکستان چیمبرز آف کامرس اینڈ انڈسٹری (FPCCI) کے وفد اور اسلام آباد کے سینئر صحافیوں نے ملاقات کی، جس میں ملکی معیشت کے استحکام، صنعت و تجارت کے فروغ اور صحافت کے کردار پر تفصیلی تبادلہ خیال کیا گیا۔قائم مقام چیئرمین سینیٹ سیدال خان نے اس موقع پر کہا کہ پاکستان کی انڈسٹریز ملکی معیشت کی ریڑھ کی ہڈی ہیں، جو ترقی، روزگار اور خوشحالی کی ضامن ہیں۔

انہوں نے کہا کہ حکومت عوامی فلاح، روزگار کی فراہمی اور معیارِ زندگی کو بہتر بنانے کے لیے ٹھوس اقدامات کر رہی ہے۔ان کا کہنا تھا کہ ایف پی سی سی آئی ملکی معیشت کو مستحکم کرنے اور تجارتی سرگرمیوں کو فروغ دینے میں کلیدی کردار ادا کر رہا ہے۔

(جاری ہے)

سینیٹ کی قائمہ کمیٹیاں صنعتکاروں اور تاجروں کی تجاویز کو بجٹ سازی اور معاشی اصلاحات میں اہمیت دیتی ہیں۔

انہوں نے کہا کہ حکومت، پارلیمنٹ اور نجی شعبہ باہمی تعاون سے ہی موجودہ معاشی بحران سے نکل سکتے ہیں۔سیدال خان نے زور دیا کہ ترقی کے ثمرات صرف بڑے شہروں تک محدود نہ رہیں بلکہ پسماندہ اور دور دراز علاقوں تک بھی پہنچنے چاہئیں۔ انہوں نے کہا کہ بلوچستان سمیت پسماندہ خطے توانائی، معدنیات، زراعت اور چھوٹی صنعتوں کے فروغ کے ذریعے ترقی کی راہ پر گامزن ہو سکتے ہیں۔

قائم مقام چیئرمین سینیٹ نے کہا کہ صحافت ریاست کا ایک اہم ستون ہے جو عوام اور حکومت کے درمیان پل کا کردار ادا کرتی ہے۔ انہوں نے کہا کہ حکومت صحافی برادری کے مسائل کے حل اور فلاح و بہبود کے لیے سنجیدہ اقدامات کر رہی ہے۔ ان کا کہنا تھا کہ حقائق پر مبنی رپورٹنگ اور غیر مصدقہ خبروں سے گریز جمہوریت اور شفاف طرزِ حکمرانی کے لیے ناگزیر ہے۔ انہوں نے صحافیوں کو یقین دلایا کہ ان کا دفتر ہمیشہ ان کے لیے کھلا ہے اور مسائل کے حل کے لیے ہر ممکن تعاون کیا جائے گا۔ملاقات کے اختتام پر سیلاب کے باعث جاں بحق ہونے والے افراد اور سیکیورٹی فورسز کے شہدائ کے ایصالِ ثواب کے لیے دعا بھی کی گئی۔