اداکارہ شالنی سیکر کا طلاق کے بعد کرایا گیا فوٹوشوٹ وائرل

شالنی سیکر نے اپریل 2023 میں طلاق کے کچھ عرصے بعد طلاق کا فوٹوشوٹ کروایا تھا

بدھ 17 ستمبر 2025 11:05

ممبئی (اُردو پوائنٹ اخبارتازہ ترین - این این آئی۔ 17 ستمبر2025ء)جنوبی بھارت کی تامل فلم انڈسٹری کی اداکارہ شالنی سیکر کا طلاق کے بعد کرایا گیا فوٹوشوٹ وائرل ہوگیا اور صارفین اس پر دلچسپ تبصرے کرتے دکھائی دیے۔شوبز ویب سائٹ فلمی بیٹ کے مطابق شالنی سیکر کی جانب سے طلاق ہونے کے بعد کرائے گئے فوٹوشوٹ کی تصاویر وائرل ہونے کے بعد بھارتی سوشل میڈیا پر دلچسپ بحث شروع ہوگئی۔

(جاری ہے)

اداکارہ کے فوٹوشوٹ کی تصاویر وائرل ہونے کے بعد مداحوں نے جہاں انہیں شادی جیسے مقدس رشتے کے ختم ہونے پر جشن منانے کو معیوب قرار دیا، وہیں بعض افراد نے ان کی تعریفیں بھی کیں۔دلچسپ بات یہ ہے کہ اداکارہ کی جانب سے اپنی طلاق کا کرایا گیا فوٹو شوٹ دو سال پرانا ہے لیکن حال ہی میں ان کے طلاق فوٹوشوٹ کی تصویر کسی نے انسٹاگرام پر شیئر کی تو اداکارہ کی تصاویر وائرل ہوگئیں۔شالنی سیکر نے اپریل 2023 میں طلاق کے کچھ عرصے بعد طلاق کا فوٹوشوٹ کروایا تھا، جس میں انہوں نے شادی کے عروسی لباس کی طرز کا سرخ لباس زیب تن کیا تھا اور ہاتھوں میں انہوں نے مختلف نعروں کے پلے کارڈز تھام رکھے تھے۔