سلطنت اومان کے عالم دین ڈاکٹرشیخ ھیثم کریم العمانی کا دورہ المصطفیٰ

کراچی (اُردو پوائنٹ اخبارتازہ ترین - این این آئی۔ 17 ستمبر2025ء)سلطنت اومان سے پاکستان کے دورہ پرتشریف لائے ہوئے معروف صوفی عالم دین ڈاکٹرشیخ ھیثم کریم العمانی نے المصطفیٰ میڈیکل سینٹرگلشن اقبال کراچی کادورہ کیاہسپتال کے مختلف شعبہ جات بلڈبنک،لیبارٹری،نوزائیدہ بچوں کی انتہائی نگہداشت یونٹ (این آئی سی یو)کامعائنہ کیا ۔جنرل سیکریٹری المصطفیٰ احمدرضا طیب نے معززمہمان کو ہسپتال کی کارکردگی پر آگاہی فراہم کی بعدازاں انہوںنے المصطفیٰ کے سرپرست اعلیٰ سابق وفاقی وزیر پیٹرولیم ڈاکٹرحاجی حنیف طیب اورصدرالمصطفیٰ ڈاکٹر عبدالرحیم سے ملاقات کی اس موقع پر احمدرضاطیب،مولاناڈاکٹرمظہراقبال شامی، معین خان،عبدالغفارسعیدی ،مخدوم عبدالفتح ودیگر بھی موجودتھے۔

شیخ ھیثم کریم العمانی نے کہاکہ جب میں ہسپتال میں داخل ہوا تونام دیکھ کر بے حد خوشی ہوئی ہسپتال کا نام المصطفیٰ رکھاہے ان شاء اللہ اس نام کی برکتیں جاری رہے گی ۔

(جاری ہے)

سرکاردوعالم ﷺکا فرمان ہے ’’تم میں سے بہترین شخص وہ ہے جو دوسروں کو نفع پہنچائے ‘‘آپ لوگ سرکاردوعالم ﷺکے اسوہ حسنہ پر عمل کررہے ہیں اس کا اجر دنیا وآخرت میں ضرورملے گا ۔

یتیم بچوں کی کفالت آپ لوگوں کو نبی کریم ﷺکے قریب کررہا ہے ،سرکاردوعالم ﷺنے دونوں انگلیوں کو ملاکر دکھایا اورفرمایایتیم کی کفالت کرنے والا اس طرح جنت میں میرے قریب ہوگا۔المصطفیٰ قرآن سنت اوردرس نظامی کے علوم سے نئی نسل کو آراستہ کررہاہے جو علم دین سکھاتاہے حدیث مبارکہ ہے کہ فرشتہ اورزمین وآسمان کی سب چیزیں دین سکھانے والوں کے لیے دعاکرتی ہیں۔

شیخ ھیثم کریم نعمانی نے کہاکہ میں حاجی حنیف طیب اوران کے تمام رفقاء کوخراج تحسین پیش کرتاہوں اوردعاگوہوں کہ اللہ تعالیٰ نیکی کے ان کاموں کو قبول فرمائے، نیکی کاکام کرکے آپ لوگ اللہ تعالیٰ سے تجارت کررہے ہیں اللہ تعالیٰ سے تجارت کرنے سے نقصان نہیں ہوتابلکہ نفع ہوتاہے ۔ڈاکٹرحاجی حنیف طیب نے کہاکہ حضرت کا المصطفیٰ تشریف لانا سعادت کی بات ہے میں دل کی اتہاگہرائیوں سے شیخ ھیثم کریم العمانی کاالمصطفیٰ کی جانب سے خیرمقدم کرتاہوں اوریہ بتاناچاہتاہوں کہ المصطفیٰ ویلفیئر سوسائٹی بزگان دین کافیضان ہے ہم سب صوفیوں کو ماننے والے لوگ ہیں میں غزالی دورہ رازی زماں علامہ سید احمدسعیدکاظمی شاہ صاحب سے بیعت ہوں المصطفیٰ مائی ہوم میں زیر کفالت بچوں کو یتیم نہیں کہاجاتابلکہ شہزادہ کہہ کرپکاراجاتاہے ان بچوں میں 70حافظ قرآن بن چکے ہیں کچھ بچے درس نظامی کاکورس کررہے ہیں یہ بچے دینی علوم کے ساتھ دنیاوی علوم بھی حاصل کررہے ہیں ان کی تعلیم کے ساتھ تربیت پربھی خاص توجہ دی جارہی ہے سندھ کے چارمختلف گورنرزنے ان بچوں کے اعزازمیں عشائیہ ،ظہرانہ اورافطارڈنرگورنرہاؤس میں اہتمام کیا اورشفقت کا ہاتھ رکھا۔

ڈاکٹر عبدالرحیم نے المصطفیٰ مائی ہو م،معمرترین مردخواتین کے قائم ادارہ ،ہونٹ وتالوکٹے افراد ،آنکھوں کے فری آپریشن ، میڈیکل کیمپس کی تفصیلات سے آگاہ کیا ۔علامہ ڈاکٹر سیدمظہراقبال شامی شیخ صاحب کاتعارف بیان کرتے ہوئے بتایاکہ حضرت عمان کی بین الاقوامی شخصیت ہیں دنیا بھر میں انٹرنیشنل کانفرنس میں انہوںنے خطاب کیا ،بنگلہ دیش میں عالمی انٹر نیشنل کانفرنس کاانعقادکروانے کاشرف بھی انہیں کو حاصل ہے جس کی دنیا بھرمیں پذیرائی ملی، شیخ صاحب خادم آثارنبویہ ہے ،سرکاردوعالم ﷺکے تبرکات دنیابھر سے حضرت کو بطورہدیہ کے طورر ملے ہیں ،شیخ صاحب کے پاس تبرکات کی اتنی لمبی فہرست ہے سلطنت عمان نے انہیں میوزیم بنانے کی بھی آفر کی ہے ،آپ نے سیرت نبی ﷺاہل بیت اطہار،میلادالنبی ﷺاورتصوف پر عربی زبان میں متعددکتابیں تحریر فرمائی ۔

آخر احمدرضا طیب ،معین خان ،عبدالغفارسعیدی نے مہمانوں کو سندھی اجرک کاتحفہ پیش کیا ۔