سپیکر قومی اسمبلی کا وزیراعظم شہباز شریف اور سعودی قیادت کے درمیان دفاعی معاہدے کا خیرمقدم

جمعرات 18 ستمبر 2025 17:22

اسلام آباد (اُردو پوائنٹ اخبارتازہ ترین - اے پی پی۔ 18 ستمبر2025ء) سپیکر قومی اسمبلی سردار ایاز صادق نے وزیراعظم شہباز شریف اور سعودی قیادت کے درمیان باہمی دفاعی معاہدے پر دستخطوں کا خیرمقدم کرتے ہوئے کہا ہے کہ پاکستان اور سعودی عرب نے دفاعی تعاون کے نئے باب کا آغاز کیا ہے اس لئے دونوںممالک دل کی گہرائیوں سے مبارکباد کے مستحق ہیں ۔

(جاری ہے)

اپنے بیان میں انہوں نے کہا کہ پوری قوم وزیراعظم محمد شہباز شریف اور فیلڈ مارشل سید عاصم منیر کی بصیرت اور قیادت پر فخر کرتی ہے،سعودی عرب ہمیشہ پاکستان کا مخلص ساتھی رہا ہے اور آج کا یہ معاہدہ اس دوستی کو عملی شکل دینے کی ایک بڑی کامیابی ہے،پاکستان اور سعودی عرب اسلام اور امن کی مشترکہ طاقت ہیں اور ان کا اتحاد ناقابلِ شکست ہے۔

انہوں نے کہا کہ وزیراعظم محمد شہباز شریف نے سعودی ولی عہد محمد بن سلمان کے ساتھ اعتماد اور بھائی چارے کی نئی بنیاد رکھی ہے جو مستقبل کے لیے خوش آئند ہے۔یہ معاہدہ پاکستان کے دفاع کو مضبوط بنانے اور خطے میں امن و سلامتی کے فروغ کے لیے ایک تاریخی اقدام ہے جس پر پوری قوم فخر کرتی ہے ،امتِ مسلمہ کی واحد امید پاکستان ہے اور پاکستان ہر قیمت پر امت کا دفاع اور تحفظ یقینی بنائے گا۔