کراچی میں میوزک ٹیچرزنے حکومت کے خلاف احتجاج شروع کردیا

جمعرات 18 ستمبر 2025 17:38

کراچی(اُردو پوائنٹ اخبارتازہ ترین - این این آئی۔ 18 ستمبر2025ء) شہر قائد میں میوزک ٹیچرز نے حکومت کے خلاف احتجاج شروع کر دیا ہے۔تفصیلات کے مطابق میوزک ٹیچرز کو ڈھائی سال سے جوائننگ لیٹرزنہیں مل سکے ہیں، جس پر اساتذہ نے کراچی پریس کلب پر احتجاجی کیمپ لگا لیا ہے۔ تھاپ، ہارمونیم کی آواز، اِک تارا کا ساز لے کر تقرری کے منتظر میوزک ٹیچرز سراپا احتجاج بنے ہوئے ہیں، کراچی پریس کلب کے باہر انوکھا مظاہرہ کرتے ہوئے مظاہرین نے کئی راگ لگائے، اور حکام کو اپنے مطالبات بتائے۔

(جاری ہے)

کامران چانڈیو اور بادشاہ بزدار کی قیادت میں 319 امیدواروں نے کے پی سی پر دھرنا دیا، دریں اثنا پولیس نے مظاہرین کو سندھ اسمبلی کی طرف جانے سے روکا، اور اسمبلی کی طرف مارچ کی کوشش کو ناکام بنا دیا، اس دوران دھکم پیل میں پولیس نے ساز بھی توڑ دیے۔میوزک ٹیچرز کی تنظیم کے صدر کامران علی نے کہا کہ ہمیں آفر لیٹر ملا ہے، لیکن ڈھائی سال سے جوائننگ لیٹر کا انتظار کر رہے ہیں، احتجاج کے دوران میوزک ٹیچرز نے سندھ کا صوفیانہ کلام بھی پیش کیا۔میوزک ٹیچرز نے اپنے حق کے لیے آواز بلند کرتے ہوئے کہا کہ ہمیں امید دلائی گئی لیکن عمل درآمد نہیں ہوا، مطالبات تسلیم نہ کیے گئے تو وزیر اعلی ہائوس کے باہر بھی احتجاج کریں گے۔

Facebook Twitter Google + Share on Whatsapp

کراچی میں میوزک ٹیچرزنے حکومت کے خلاف احتجاج شروع کردیا

متعلقہ عنوان :

مزید قومی خبریں