سابق گورنر انجینئر شوکت اللہ کا باجوڑ آپریشن سے بے گھر خاندانوں کی مدد کا مطالبہ

جمعرات 18 ستمبر 2025 20:55

باجوڑ(اُردو پوائنٹ اخبارتازہ ترین - این این آئی۔ 18 ستمبر2025ء)سابق گورنر انجینئر شوکت اللہ نے باجوڑ سربکف آپریشن سے بے گھر ہونے والے خاندانوں کی مدد کا مطالبہ کردیا ۔ میڈیا سے گفتگو کرتے ہوئے انجینئر شوکت اللہ نے کہا ہے کہ وفاقی اور صوبائی حکومتیں باجوڑ سربکف آپریشن سے متاثرہ خاندانوں کی بھرپور مالی امداد کریں۔

(جاری ہے)

انہوں نے استدعا کی کہ وفاقی اور صوبائی حکومت ہر متاثرہ خاندان کو 10، 10 لاکھ روپے دے اور جن خاندانوں کے گھر تباہ ہوئے ان کو دوبارہ تعمیر کیا جائے۔

خیال رہے کہ باجوڑ سربکف آپریشن 29 جولائی کو شروع ہوا تھا جب صوبائی حکومت کی جانب سے منعقدہ جرگہ ناکام ہوگیا تھا اور سیکیورٹی فورسز نے لوئی ماموند کے 16 علاقوں میں آپریشن کا فیصلہ کیا تھا۔یاد آپریشن کے باعث باجوڑ لوئی ماموند کے 16 علاقوں سے 20 ہزار سے زائد خاندان بے گھر ہو گئے ہیں ۔