آئی جی اسلام آباد سید علی ناصر رضوی سے ایس پی سواں زون کی ملاقات ،تھانہ جات کی کارکردگی، جرائم کی صورتحال اور انسدادِ جرائم کیلئے جاری اقدامات کا تفصیلی جائزہ

جمعرات 18 ستمبر 2025 20:30

اسلام آباد (اُردو پوائنٹ اخبارتازہ ترین - اے پی پی۔ 18 ستمبر2025ء) آئی جی اسلام آباد سید علی ناصر رضوی سے ایس پی سواں زون نے ملاقات کی جس میں تھانہ جات کی کارکردگی، جرائم کی صورتحال اور انسدادِ جرائم کیلئے جاری اقدامات کا تفصیلی جائزہ لیا گیا جبکہ علاقے کی مجموعی امن و امان کی صورتحال پر بھی تفصیلی تبادلہ خیال کیا ۔پولیس ترجمان کے مطابق انسپکٹر جنرل آف پولیس اسلام آباد سید علی ناصررضوی نے ایس پی سواں زون خرم اشرف کے ساتھ اہم ملاقات کی ۔

اس موقع پر انہوں نے تھانہ جات کی کارکردگی، جرائم کی صورتحال اور انسدادِ جرائم کیلئے جاری اقدامات کا تفصیلی جائزہ لیا اور علاقے کی مجموعی امن و امان کی صورتحال پر تفصیلی تبادلہ خیال کیا ۔آئی جی اسلام آباد نے مقدمات کی تفتیش کو موثر بنانے اور زیر تفتیش مقدمات میں عدم گرفتار ملزمان کی گرفتاری کےلئے احکامات جاری کئے۔

(جاری ہے)

انہوں نے کہا کہ بدلتے دور کے تقاضوں کے مطابق تفتیش کے عمل کو جدید ٹیکنالوجی سے لیس کیا جائے ،ہمارا کام جرائم کی بیخ کنی ہے۔

انہوں نے مزید کہا کہ تمام پولیس افسران جرائم پیشہ گروہوںکا خاتمہ کریں ا ور منشیات کے خلاف کریک ڈائون کو مزید تیز کیا جائے،اسی کے ساتھ تھانہ جات کے افسران مارکیٹوں، تجارتی مراکز اور مساجد کے دورے کریں جبکہ جرائم کے خلاف کارروائیوں کو شہریوں کے تعاون سے کامیاب بنائیں۔آئی جی اسلام آباد نے مزید کہا کہ شہریوں کی جان و مال کے تحفظ کو ہر حال میں یقینی بنایا جائے، تھانوں میں عوام دوست ماحول فراہم کیا جائے تاکہ شہری بلاجھجک اپنی شکایات درج کرا سکیں۔