Live Updates

ملتان، سیلاب سے 36 انچ کی گیس پائپ لائن متاثر، جلال پور میں ایم 5 موٹر وے پانچویں روز بھی بند

جمعرات 18 ستمبر 2025 20:30

ملتان (اُردو پوائنٹ اخبارتازہ ترین - این این آئی۔ 18 ستمبر2025ء)ملتان میں سیلاب کے باعث 36 انچ کی گیس پائپ لائن متاثر ہوگئی جبکہ دریائے چناب اور ستلج کے ریلوں سے متاثرہ ایم 5 موٹر وے پانچویں روز بھی جلال پور پیر والا کے مقام پر بند ہے۔پانی کا بہاؤ تیز ہونے سے مرمت کے کام میں مشکلات درپیش ہیں، مزید نقصان سے بچانے کے لیے اطراف میں پتھر ڈالنے کا کام جاری ہے۔

(جاری ہے)

سی پی او کے مطابق موٹر وے مجموعی طور پر 5 جگہ سے متاثر ہوئی ہے، ملتان میں سیلاب سے 36 انچ قطر کی گیس کی پائپ لائن بھی متاثر ہوگئی جس کے بعد متاثرہ پائپ لائن کو گیس منقطع کردی گئی، متوازی پائپ لائنوں سے سپلائی جاری ہے۔دریائے چناب میں پانی کے بہاؤ میں واضح کمی آگئی، شجاع آباد کے بیشتر علاقوں سے پانی اتر گیا، جلال پور پیر والا شہر کو بچانے والے بند پر بھی پانی کی سطح میں کمی آئی ہے جبکہ بستی دوھوندو کے مقام پر بند میں ڈالے گئے شگاف کو پٴْر کرنے کا کام جاری ہے۔