وزیراعظم کی جنیوا میں نوازشریف سے ملاقات، پاک سعودیہ دفاعی معاہدے سے آگاہ کیا

وزیراعظم لندن میں 4 دن قیام کے دوران پاکستانی کمیونٹی ،تاجر رہنمائوں سے ملاقات ،اوورسیز پاکستانیز فائونڈیشن کی تقریب سے خطاب کرینگے

جمعہ 19 ستمبر 2025 10:55

وزیراعظم کی جنیوا میں نوازشریف سے ملاقات، پاک سعودیہ دفاعی معاہدے ..

جنیوا/لندن(اُردو پوائنٹ اخبارتازہ ترین - این این آئی۔ 19 ستمبر2025ء)وزیراعظم شہباز شریف نے لندن پہنچنے سے قبل جنیوا میں سابق وزیراعظم اورپاکستان مسلم لیگ (ن) کے صدر محمد نواز شریف سے ملاقات کرکے انہیں پاک سعودیہ دفاعی معاہدے کی تفصیلات سے آگاہ کیا۔وزیراعظم شہباز شریف دورہ سعودی عرب مکمل کرنے کے بعد برطانیہ کے شہر لندن میں اپنی رہائشگاہ پہنچ گئے ہیں۔

شہباز شریف نے لندن پہنچنے سے قبل کچھ دیر سوئٹزرلینڈ کے شہر جنیوا میں مختصر قیام کیا اور وہاں موجود نواز شریف سے ملاقات کی ۔

(جاری ہے)

ذرائع کے مطابق وزیراعظم شہباز شریف نے نواز شریف کو پاک سعودی عرب تاریخی دفاعی معاہدے کی تفصیلات سے آگاہ کیا۔نواز شریف علاج کے لیے ان دنوں جنیوا میں موجود ہیں اور ان کا آئندہ چند روز میں لندن آنے کا امکان ہے۔

وزیراعظم شہباز شریف لندن میں 4 دن قیام کے دوران پاکستانی کمیونٹی اور تاجر رہنمائوں سے ملاقات کریں گے، وزیراعظم ہفتے کو اوورسیز پاکستانیز فائونڈیشن کی تقریب سے خطاب کریں گے۔قریبی ذرائع کے مطابق شہباز شریف کے ساتھ وفاقی وزرا ء اسحاق ڈار، خواجہ آصف اور عطا ء تارڑ بھی لندن پہنچے ہیں، وزیراعظم برطانیہ کا دورہ مکمل کرنے کے بعد امریکہ جائیں گے جہاں ان کی امریکی صدر ڈونلڈ ٹرمپ سے ملاقات کا امکان ہے۔