Live Updates

محسن نقوی ایک میچ ریفری نہیں ہٹوا سکے ، سینئر سپورٹس صحافی کا چیئرمین پی سی بی پر طنز

ہمارے چیئرمین ایک ریفری کو نکالنے پر بضد تھے، اُسے ایشیاء کپ میں نہیں دیکھنا چاہتے تھے، وہ پھر بھی میچ ریفری ہے، اگر معذرت قبول کرنی تھی تو تین دن پہلے کر لیتے : مرزا اقبال بیگ

ذیشان مہتاب ہفتہ 20 ستمبر 2025 13:50

محسن نقوی ایک میچ ریفری نہیں ہٹوا سکے ، سینئر سپورٹس صحافی کا چیئرمین ..

لاہور (اردو پوائنٹ تازہ ترین اخبار ۔ 20 ستمبر 2025ء ) سینئر سپورٹس صحافی مرزا اقبال بیگ نے پاک بھارت تنازع کو درست طور پر ہینڈل نہ کرنے پر چیئرمین پی سی بی محسن نقوی کو کڑی تنقید کا نشانہ بنا ڈالا۔

نجی ٹی وی پروگرام میں بات کرتے ہوئے وفاقی وزیر طارق فضل چوہدری نے ایشیاء کپ میں حالیہ پاک بھارت تنازع پر محسن نقوی کی حمایت کرتے ہوئے کہا کہ ’کرکٹ میں جو ہوا وہ ہماری اخلاقی برتری ہوئی، سپورٹ مین شپ شو کی ہم نے‘۔

اس موقع پر سینئر سپورٹس صحافی مرزا اقبال بیگ نے طارق فضل چوہدری کو جواب دیتے ہوئے کہا کہ ’ایک ریفری کو نکالنے پر بضد تھے ہم، ہمارے چئیرمین نے تو یہ کہا تھا کہ ہم اُسے ایشیاء کپ میں نہیں دیکھنا چاہتے، وہ پھر بھی میچ ریفری ہے، اگر معذرت قبول کرنی تھی تو تین دن پہلے کر لیتے، قوم کو یوں مخمصے میں کیوں رکھا؟‘۔

(جاری ہے)

کرکٹ میں جو ہوا وہ ہماری برتری ہوئی سپورٹ مین شپ شو کی ہم نے: فضل چوہدری
ایک ریفری کو نکالنے پر بضد تھے ہم، ہم نے کہا ہمیں اس پر اعتبار نہیں وہ پھر بھی میچ ریفری ہے اگر معذرت قبول کرنی تھی تو تین دن پہلے کر لیتے قوم کو کیوں یوں لٹکاۓ رکھا: سنیر سپورٹ تجزیہ نگار pic.twitter.com/w0wolo7xyJ
— Waqar khan (@Waqarkhan123) September 18, 2025

واضح رہے کہ اس سے قبل قومی کرکٹ ٹیم کے سابق کپتان اور ٹیم ڈائریکٹر محمد حفیظ کا کہنا ہے کہ پی سی بی کے سربراہ محسن نقوی پچھلے 3 سالوں میں کرکٹ کے حوالے سے کوئی اچھا فیصلہ نہیں کرسکے ہیں۔

نجی ٹی وی کے پروگرام میں بات کرتے ہوئے محمد حفیظ کا کہنا تھا کہ ’’جب سے محسن نقوی آئے ہیں، کوئی ایسا فیصلہ سامنے نہیں آیا جس سے کرکٹ ایک جگہ پر کھڑی ہو سکے۔ ذمہ دار تو آپ ہیں، کیونکہ فیصلہ ساز آپ ہیں۔ پچھلے تین سال سے جو کرکٹ کھیلی جا رہی ہے، وہ کسی طرح انٹرنیشنل معیار کے مطابق نہیں۔ جب ہم کسی ٹاپ کی ٹیم کے ساتھ میچ کھیلتے ہیں تو مِس میچ لگتا ہے، اور جب وہ اپنی بی یا سی ٹیم بھیجتے ہیں تو ہم اُن سے بھی ہار جاتے ہیں‘‘ ۔

جب سے محسن نقوی آیا ہے اور انہوں نے جو فیصلے لیے ہیں ہماری کرکٹ ایک جہگہ پر کھڑی ہی نہیں ہو رہی
پچھلے تین سال سے ہماری ٹیم انٹرنیشنل سٹینڈرڈ کی نہیں رہی جب ہم کسی انٹرنیشنل ٹیم کے ساتھ میچ کھیلتے ہیں تو مِس میچ لگتا ہے
محمد حفیظ pic.twitter.com/5Aqbkl0BiM
— Waqar khan (@Waqarkhan123) September 18, 2025