پ*لیسکو صارفین کو بلا تعطل بجلی فراہمی کے لئے اقدامات کا سلسلہ جاری

اتوار 21 ستمبر 2025 20:20

لاہور (اُردو پوائنٹ اخبارتازہ ترین - آن لائن۔ 21 ستمبر2025ء) لیسکو کی جانب سے 132 کے وی گرڈ اسٹیشنز اور ٹرانسمیشن لائنز کی دیکھ بھال اور مرمت کا عمل یکم ستمبر سے 15ستمبر 2025 تک کامیابی کے ساتھ جاری رہا۔ یہ اقدامات کمپنی کی کارکردگی کو مزید بہتر بنانے اور صارفین کو بلا تعطل بجلی کی فراہمی یقینی بنانے کے لئے کیے جا رہے ہیں۔ لیسکو کی جانب سے 123 گرڈ اسٹیشنز، 1 موبائل گرڈ اسٹیشن اور 65 کنزیومر گرڈ اسٹیشنز پر مرحلہ وار مینٹیننس کا عمل انجام دیا گیا۔

اس کے ساتھ ساتھ مختلف حفاظتی اقدامات، لائن بیلنسنگ، فیڈر ٹیسٹنگ، KWH میٹر چیکنگ اور پاور ٹرانسفارمرز کی اپ گریڈیشن بھی کی گئی۔ 132 کے وی ٹرانسمیشن لائنز کی مرمت کے کام میں بھی قابل ذکر پیش رفت ہوئی جس میں مجموعی طور پر 3295.89 کلومیٹر طویل لائنز پر دیکھ بھال اور اپ گریڈیشن کے کام انجام دیے گئے۔

(جاری ہے)

اس موقع پر چیف ایگزیکٹو لیسکو انجینئر محمد رمضان بٹ نے کہا کہ لیسکو اپنے صارفین کو بہتر سے بہتر سہولیات فراہم کرنے کے لئے کوشاں ہے۔

ان کا کہنا تھا کہ گرڈ اسٹیشنز اور ٹرانسمیشن لائنز پر جاری یہ مرمتی کام نہ صرف سسٹم کی استعداد کار بڑھائیں گے بلکہ صارفین کو زیادہ پائیدار اور بلا تعطل بجلی کی فراہمی میں بھی مددگار ثابت ہوں گے۔ انہوں نے مزید کہا کہ کمپنی کا ہدف ہے کہ لیسکو کو ملک کے بہترین اداروں کی صف میں شامل کیا جائے اور اس مقصد کے لئے تمام تر وسائل بروئے کار لائے جائیں گے۔