سعودی عرب پاکستان کو سب سے بڑا سستا قرضہ دینے والا ملک بن گیا

سعودی عرب نے 5 ارب ڈالر کے ڈپازٹس 4 فیصد شرح سود پر دے رکھے ہیں، حکام وزارت خزانہ

اتوار 21 ستمبر 2025 16:45

سعودی عرب پاکستان کو سب سے بڑا سستا قرضہ دینے والا ملک بن گیا

کراچی(اُردو پوائنٹ اخبارتازہ ترین - این این آئی۔ 21 ستمبر2025ء)سعودی عرب پاکستان کو سب سیبڑا سستا قرضہ دینے والا ملک بن گیا۔حکام وزارت خزانہ کے مطابق سعودی عرب نے 5 ارب ڈالر کیڈپازٹس 4 فیصد شرح سود پردے رکھے ہیں، سعودی قرضہ چینی ڈپازٹس اورکمرشل قرضوں کے مقابلے میں کہیں سستا ہے،سعودی عرب نے دو الگ الگ کیش ڈپازٹ 4 فیصد شرح سود پر دے رکھے ہیں،ہرسال بغیر اضافی لاگت کے قرض روول اوور کیے جاتے ہیں۔

حکام وزارت خزانہ نے کہاکہ سعودی عرب کا دو ارب ڈالرقرضہ اس سال دسمبرمیں میچور ہوگا،جون میں مزید 3 ارب ڈالر کا قرضہ واجب الادا ہے،حکومت آئی ایم ایف شرائط کے مطابق دونوں قرضوں کے رول اوورکی تیاری کررہی ہے۔حکام کے مطابق سعودی عرب کے علاوہ چین کا 4 ارب ڈالر اور یو اے ای کا3ارب ڈالر قرض واجب الادا ہے،ان تینوں ممالک کے 12 ارب ڈالر کیڈپازٹس اسٹیٹ بینک کے زرمبادلہ ذخائر کا بڑا حصہ ہیں،چین نے پاکستان کو 6.1 فیصد شرح سود پر قرض دیرکھا ہے،عرب امارات نے پاکستان کو 6.5 فیصد شرح سود تک قرضہ دیا تھا۔

(جاری ہے)

حکام وزارت خزانہ کے مطابق ڈپازٹس کے علاوہ سعودی عرب نے 6 فیصد شرح پر ادھار تیل کی سہولت دے رکھی ہے،کمرشل بینکوں سے 8.2 فیصد شرح سود تک 70 کروڑ ڈالرکے مہنگے قرضے لیے گئے،ڈپازٹس سمیت چین کے مختلف قرضوں پرسود کی شرح 4.5 فیصد سے 7.3 فیصد کے درمیان ہیں۔