کمشنر کراچی سید حسن نقوی کا شہر کا دورہ

کراچی(اُردو پوائنٹ اخبارتازہ ترین - این این آئی۔ 22 ستمبر2025ء)کمشنر کراچی سید حسن نقوی نے پیر کو شہر کے مختلف علاقوں کا دورہ کر کے بارشوں کے بعد صفائی اور سیوریج سمیت شہری مسائل کا جایزہ لیا۔ دورہ کے موقع پرڈپٹی کمشنر جنوبی جاوید نبی کھوسو اورڈپٹی کمشنرکیماڑی راجہ طارق چانڈیو مینجنگ ڈائریکٹر سالڈ ویسٹ مینجمنٹ بورڈ طارق علی نظامانی سی او آئی واٹر اینڈ سیوریج کارپوریشن اسداللہ اور ڈائریکٹر ترقیات اور منصوبہ بندی نسیم بھٹو ان کے ہمراہ تھے۔

افسران نے کشنر کو صفائی سیوریج اور تجاوزات اور شہری مسایل کی صورتحال سے آگاہ کیا۔ مختلف مقامات پر شہری صورتحال بہتر بنانے کے لیئے کمشنر نے متعلقہ افسران کو ضروری ہدایات دیں کمشنر نے کہاکہ متعلقہ شہری ادارے ڈپٹی کمشنرز کی رہنمائی میں مربوط کوششیں کریں۔

(جاری ہے)

انھوں نے ڈپتی کمشنرز کو کہا کہ وہ خود بھی اپنے اپنے ضلع کا دورہ کرکے مسائل کا جایزہ لیں اور متعلقہ اداروں کے تعاون سے مسایل کے حل کی کوششوں میں اپنا کردار ادا کریں شہریوں کی شکایات بھی سنیں ان کا ازلہ کریں کمشنر نے کہا کہ وہ دیگر اضلاع کا دورہ بھی کریں گے اور مسائل کا جایزہ لیں گے تاکہ شہر کی بہتری کے لئے مسلسل کوششیں کی جاسکیں۔

انھوں نے پولیس ہیڈ کوارٹرز گارڈن میں سیوریج کے دیرینہ مسئلہ کے حل کے لیے ترجیحی کوششں کرنے کی ہدایت کی وہ گارڈن اور صدر کے مختلف علاقوں، اولڈ گولیمار ہاکس بے بلدیہ کے مختلف علاقوں اور گلیوں کا تفصیلی دورہ کیاور اورمختلف مقامات پر متعلقہ افسران کو مسائل کی نشاندہی کی اور ضروری اقدامات کی ہدایت کی وہ چار گھنٹے سے زاید فیلڈ میں رہے۔

دریں اثنا کمشنر کراچی کی زیر صدارت ان کے دفتر میں ایک جایزہ اجلاس منعقد ہوا اجلاس میں گراں فروشی اور تجاوزات کے خلاف کراچی انتظامیہ کی جاری مہم کا جایزہ لیا اجلاس میں تمام ڈپٹی کمشنرز اور چیئر مین مارکیٹ کمیٹی علی زماں جوکھیو نے شرکت کی ڈپٹی کمشنرز نیگراں فروشی اور تجاوزات کے خلاف کارروائی کے بارے میں تفصیلی بریفننگ دی۔ اسسٹنٹ کمشنر ہیڈ کوارٹرز رابعہ سید نے کمشنر کراچی کو 14 ستمبر تا 20ستمبرگراں فروشوں کے خلاف کی جانے والی کارکردگی کی رپورٹ پیش کی کمشنر کو بتایا گیا کہ گزشتہ ایک ہفتہ میں 221 گراں فروشوں کے خلاف کارروائی کی گئی،مجموعی طور پر 18 لاکھ 10 ہزار روپے جرمانہ عائد کیا گیا ڈپٹی کمشنر جاوید نبی کھوسو کے مطابق ضلع جنوبی میں 58 گراں فروشوں پر 3 لاکھ 51 ہزار روپے جرمانہ کیا گیا۔

۔ ڈی سی شرقی ابرار جعفر کے مطابق ضلع شرقی میں 38 گراں فروشوں پر 7 لاکھ 28 ہزار روپے جرمانہ عائد کیا گیا۔ ڈی سی ضلع وسطی طہ سلیم کے مطابق وسطی ضلع میں 35 گراں فروشوں پر 2 لاکھ 63 ہزار روپے جرمانہ عائد کیا گیا۔ڈی سی غربی زوالفقار میمن کے مطابق ضلع غربی میں 8 گراں فروشوں پر ایک لاکھ چھ ہزار روپے جرمانہ عائد کیا گیاڈپٹی کمشنر ملیر سلیم اللہ اوڈھو کے مطابق ملیر 34 گراں فروشوں پر ایل لاکھ23 ہزار روپے جرمانہ عاید کیا گیا ڈپٹی کمشنر کورنگی مسعود بھٹو کے مطابق کورنگی میں 19 گراں فروشوں پر ایک لاکھ 86 ہزار روپے جرمانہ عاید کیا گیا اور ڈپٹی کمشنر کیماڑی راجہ طارق چانڈیو کے مطابق کیماڑی ضلع میں 29 گراں فروشوں پر 53 ہزار روپے جرمانہ عاید کیا گیا۔

اجلاس نے ٹماٹر کی بڑھتی ہوئی قیمت کا نوٹس لیا۔ چیئرمین مارکیٹ کمیٹی نے بریفنگ دی بتایا کہ ٹماٹر کی پیداوار میں اضافہ ہواہے۔ کمشنر نے ڈپٹی کمشنر شرقی ابرار جعفر کو ہدایت کی کہ مارکیٹ کمیٹی کو پابند کریں کہ ٹماٹر کی قیمت میں کمی کے لے اقدامات کرے ۔ اجلاس مین آکشن نظام کا بھی جایئزہ لیا گیا۔اجلاس کوبتایا گیا کہ گزشتہ ہفتہ سبزی منڈی مِیں بحی سرکاری نرخوں کی خلاف ورزی پر دکانداروں اور بعض ماشہ خوروں کے خلاف کارروائی کی گئی ہے۔

فیصلہ کیا گیا کہ سبزی منڈی اسسٹنٹ کمشنر سبزی منڈی میں سرکاری نرخوں کی خلاف ورزی پر کاررائی کو موثر بنائیں گے۔ اجلاس میں تمام ڈپٹی کمشنرزنے تجاوزات کے خلاف جاری مہم کے بارے میں بریفنگ دی۔ کمشنر نے سڑکوں اور فٹ پاتھوں پر تجاوات کے خلاف کارروائیوں کو موثر بنایں انھوں نے کہا کہ بعض علاقوں میں تجاوزات کی صورتحال کا تقاضہ ہے کہ ڈپٹی کمشنرز موثر کوششیں کرین اور مہم کو نتیجہ خیز بنانے کے لئے اقدامات کریں