سپیشلائزڈ ٹریننگ کورس کے زیر تربیت ڈی ایس پیز کا سنٹرل پولیس آفس کا دورہ،آئی جی پنجاب سے ملاقات کی

منگل 23 ستمبر 2025 11:12

لاہور (اُردو پوائنٹ اخبارتازہ ترین - اے پی پی۔ 23 ستمبر2025ء) سندھ پولیس کے دوسرے سپیشلائزڈ ٹریننگ کورس کے زیر تربیت ڈی ایس پیز نے منگل کوسنٹرل پولیس آفس کا دورہ کیا اور آئی جی پنجاب ڈاکٹر عثمان انور سے ملاقات کی۔ترجمان پنجاب پولیس کے مطابق آئی جی پنجاب ڈاکٹر عثمان انور نے سندھ پولیس کے زیرتربیت افسران سے ٹریننگ، فیلڈ تجربات بارے دریافت کیا۔

ڈی آئی جی ایس پی یو اینڈ ویلفیئر غازی محمد صلاح الدین نے زیر تربیت پولیس افسران کو ویلفیئر، ڈسپلن، فنانس،آپریشنز اور انویسٹی گیشن سمیت مختلف برانچز کی ورکنگ بارے آگاہی دی ۔آئی جی پنجاب نے کہا کہ نوجوان افسران کے لئے فیلڈ کے ساتھ آفس مینجمنٹ اینڈ ایڈمنسٹریشن کا تجربہ حاصل کرنا انتہائی ضروری ہے، ٹریننگ کے دوران اربن و رورل پولیسنگ کے تمام پہلوں بارے آگاہی و مہارت حاصل کریں، جدید ٹیکنالوجی کے موثر استعمال سے جرائم کی سرکوبی، پبلک سروس ڈلیوری میں بہتری کے لئے اقدامات یقینی بنائیں، زیر تربیت ڈی ایس پیز نے آئی جی پنجاب کو فیلڈ ٹریننگ کے دوران حاصل ہونے والے تجربات اور مشاہدات بارے آگاہ کیا اورمختلف سوالات بھی پوچھے۔

(جاری ہے)

آئی جی پنجاب نے سندھ پولیس کے ڈی ایس پیز کو ٹریننگ دلجمعی اور لگن کے ساتھ مکمل کرنے کی ہدایتکی۔ اس موقع پرایڈیشنل آئی جی ویلفیئر اینڈ فنانس عمران ارشد، ڈی آئی جی ٹریننگ رائو منیر ضیا سمیت دیگر افسران بھی موجود تھے۔