پاکستان سمیت دنیا بھر میں سیاحت کا عالمی دن (پرسوں)منایا جائے گا

جمعرات 25 ستمبر 2025 11:50

مکو آ نہ (اُردو پوائنٹ اخبارتازہ ترین - این این آئی۔ 25 ستمبر2025ء)پاکستان سمیت دنیا بھر میں سیاحت کا عالمی دن(پرسوں) 27ستمبر کومنایا جائے گا اس دن کے منانے کا مقصدسیاحت کی سماجی،ثقافتی اور معاشی اہمیت سے عوام کو آگاہ کرنا ہے اس دن کے حوالے سے پاکستان ٹور ازم ڈویلپمنٹ اورسماجی تنظیموں کے زیر اہتمام سیمینارز،واکس اور مختلف تقاریب کا اہتمام کیا جائے گاجن میں مقررین سیاحت کے فروغ اور اہمیت کے متعلق روشنی ڈالیں گے۔

(جاری ہے)

سیاحت کا عالمی دن ہر برس 27ستمبر کوپاکستان سمیت دنیا بھر میں منایا جاتا ہے۔پاکستان بھی قدرتی حسن کی دولت سے مالا مال ہے،شمالی علاقہ جات،گلگت بلتستان کے علاقوں کا دیومالائی حسن،صدیوں پرانی تہذیب کے آثار،ہڑپہ،گندھارا تہذیب،ملتان کی ثقافت اور صوفی ازم بھی سیاحوںکی دلچسپی کے مراکز ہیں لیکن حکومتی عدم دلچسپیوں،معاشی بدحالی اور دیگر عوامل کے باعث ٹور ازم انڈسٹری ابتر صورتحال کا شکار ہے جس کیلئے حکومتی توجہ اور بہتری کیلئے ٹھوس اقدامات کی ضرورت ہے۔