Live Updates

فٹنس مسائل کرس ووکس انگلینڈ کی ٹیسٹ ٹیم سے باہر

جمعرات 25 ستمبر 2025 12:30

لندن (اُردو پوائنٹ اخبارتازہ ترین - اے پی پی۔ 25 ستمبر2025ء) انگلینڈ کے تجربہ کار آل راؤنڈر کرس ووکس کی ٹیسٹ کرکٹ میں واپسی کے امکانات تقریباً ختم ہو گئے ہیں۔سپورٹس ویب سائٹ کے مطابق انگلش کرکٹ ٹیم کے ڈائریکٹر راب کی نے تصدیق کی ہے کہ 36 سالہ کرس ووکس فٹنس مسائل کے باعث آئندہ ٹیسٹ ٹیم کا حصہ نہیں ہوں گے۔کرس ووکس حالیہ عرصے میں چوٹ کا شکار رہے، اور انہوں نے بھارت کے خلاف اوول ٹیسٹ میں کندھے کی ہڈی نکلنے کے بعد ایشیز سیریز کے لیے فٹنس کو بحال کرنے کی کوشش کی۔

تاہم وہ مکمل فٹنس حاصل کرنے میں ناکام رہے ہیں اور انہیں آسٹریلیا کے خلاف رواں سال نومبر میں شروع ہونے والی ایشیز سیریز کے لیے 16 رکنی سکواڈ میں بھی شامل نہیں کیا گیا ہے۔ڈائریکٹر راب نے کہا ہے کہ کرکٹ کے لحاظ سے دیکھا جائے تو کرس ووکس کی انجری کا وقت بہت غیر مناسب تھا، اور اس قسم کی انجری کے دوبارہ ہونے کا امکان بھی موجود ہے۔

(جاری ہے)

انہوں نے مزید کہا کہ کرس ووکس کے لیے ایشیز سیریز کے آغاز تک مکمل فٹنس حاصل کرنا مشکل تھا اور جب کوئی کھلاڑی ایشیز جیسے اہم ٹورنامنٹ سے باہر ہوتا ہے تو ہم عموماً اگلے سائیکل پر توجہ دیتے ہیں۔

اس وقت کرس ووکس ہمارے فیوچر میں ٹیسٹ منصوبوں کا حصہ نہیں ہیں۔کرس ووکس نے اپنے کیریئر میں انگلینڈ کے لیے کئی یادگار پرفارمنسز دی ہیں، تاہم عمر اور فٹنس کے مسائل کی وجہ سے ان کا ٹیسٹ کیریئر اب اختتامی مراحل میں نظر آ رہا ہے۔