Live Updates

سیلاب سے متاثر ہونے والے 382 فیڈرز مکمل، 203 جزوی بحال

مجموعی طور پر سیلاب سے 51 گرڈ اور 588 فیڈرز متاثر ہوئے تھے، پاور ڈویژن

جمعرات 25 ستمبر 2025 14:34

اسلام آباد(اُردو پوائنٹ اخبارتازہ ترین - این این آئی۔ 25 ستمبر2025ء)سیلاب سے متاثرہ علاقوں میں بجلی بحالی سے متعلق رپورٹ جاری،متاثر ہونے والے 382 فیڈرز مکمل،203 جزوی بحال کردیئے گئے،مجموعی طور پر سیلاب سے 51 گرڈ اور 588 فیڈرز متاثر ہوئے تھے۔

(جاری ہے)

پاورڈویژن کیمطابق فیصل آباد الیکٹرک کمپنی کے متاثرہ فیڈرزمیں سے 68 مکمل اور تیرہ جزوی طور پر بحال کردئیے گئے،فیصل آباد،چنیوٹ اورمیانوالی میں بجلی بحالی کا کام مکمل ہوگیا،لاہور الیکٹرک کمپنی کے 67 متاثرہ فیڈرزمیں سے 66 مکمل اور ایک جزوی طور پر بحال ہوا،لاہور،ننکانہ،شیخوپورہ اور اوکاڑہ میں بجلی کی بحالی کا کام مکمل ہوگیا،ملتان الیکٹرک کمپنی کے متاثرہ فیڈرز میں سے 37مکمل،141 جزوی طور پر بحال کیے گئے۔

پاورڈویژن کا کہنا ہے کہ پانی اترتے ہی باقی متاثرہ فیڈرز کی مکمل بحالی کاکام شروع ہوجائیگا،گوجرانوالہ الیکٹرک کمپنی کے ایک سو دو فیڈرمکمل اورایک جزوی طور پر بحال ہوچکے،سوات،صوابی اورڈی آئی خان میں بجلی کی بحالی کا کام مکمل کیا گیا،شمالی وزیرستان اورخیبر کے 18متاثرہ فیڈرز مکمل طور پر بحال کردیئے گئے،سکھر الیکٹرک کمپنی کے 44متاثرہ فیڈرعارضی طور پر بحال کئے گئے ہیں۔