ی*گرین اور کلین پنجاب …ڈیرہ غازی خان کا نیا ٹرانسپورٹ کلچر… الیکٹرو بس سروس کا آغاز

/ وزیر اعلیٰ مریم نواز شریف نے ڈیرہ غازی خان کی تاریخ کی پہلی الیکٹرو بس کا افتتاح کردیا ،ڈی جی خان کے لوگ نئی اور جدید ترین الیکٹرو بس کا تحفہ پاکر خوش %جنرل بس سٹینڈ تا جنرل بس سٹینڈ براستہ ڈی جی خان ، جنرل بس سٹینڈ تا سخی سرور روٹ ، جنرل بس سٹینڈ تا شاہ دین صدر بھی الیکٹرو بسوں کا روٹ ہوگا:بریفنگ

جمعرات 25 ستمبر 2025 21:30

_لاہور (اُردو پوائنٹ اخبارتازہ ترین - آن لائن۔ 25 ستمبر2025ء) ڈیرہ غازی خان کا نیا ٹرانسپورٹ کلچر… الیکٹرو بس سروس کا آغازکردیاگیا۔ وزیر اعلیٰ مریم نواز شریف نے ڈیرہ غازی خان کی تاریخ کی پہلی الیکٹرو بس کا افتتاح کردیا ہے۔ڈی جی خان کے لوگ نئی اور جدید ترین الیکٹرو بس کا تحفہ پاکر خوش ہوئے ۔بلوچی پگڑی، رنگا رنگ ویسٹ اور مزین ٹوپی پہنے گورنمنٹ پرائمری سکول کے ننھے منے عبداللہ اورمریم جہانگیر نے وزیراعلی مریم نواز شریف کا خیر مقدم کیااور پھول پیش کئے ۔

''مسافروں خاص طور پر سپیشل افراد کا بہت خیال رکھنا''۔ وزیراعلی مریم نواز شریف نے بس کنڈیکٹر کو نصیحت انعام بھی دی۔وزیر اعلیٰ مریم نواز شریف نے جیل روڈ بس سٹاپ سے تقریب گاہ کا سفر الیکٹرو بس میں کیا۔ڈیرہ غازی خان کے عوام اور طلبہ کا بے مثال جوش وخروش تھا۔

(جاری ہے)

ڈی جی خان کی پہلی الیکٹرو بس پر راستے میں گل پاشی کی گئی۔ستھرا پنجاب کے ورکرز نے وزیر اعلی مریم نواز شریف کیلئے خیر مقدمی بینرز اٹھا رکھے تھے ۔

''سجن آ ون آکھی ٹھرن''وزیر اعلیٰ مریم نواز۔۔ تم بے مثال ہو''وزیر اعلیٰ مریم نواز شریف نے ہاتھ ہلا کر نعروں کا جواب دیا۔وزیر اعلیٰ مریم نواز شریف کو تقریب گاہ پہنچنے پر باڈر ملٹری فورس اور بلوچ لیویزکی خاتون اہلکاروں نے سلامی دی۔وزیر اعلیٰ مریم نواز شریف کو ڈی جی خان الیکٹرو بس پراجیکٹ پر بریفنگ دی گئی۔ائیر کنڈیشنڈ الیکٹرو بس میں وائی فائی،چارچنگ پورٹ بھی موجودہیں۔

خواتین مسافروں کیلئے الگ کمپارٹمنٹ، نگرانی کیلئے کیمرے بھی نصب کیے گئے ہیں۔ڈیرہ غازی خان ڈسٹرکٹ میں پہلے فیز میں 24 - الیکٹرو بسیں چلائی جائیںگی۔ڈیرہ غازی خان جنرل بس سٹینڈ تا کوٹ چھٹہ، چوٹی زیریں بس چلائی جارہی ہے ۔جنرل بس سٹینڈ تا جنرل بس سٹینڈ براستہ ڈی جی خان شہر بھی الیکٹرو بس چلے گی ۔ڈی جی خان جنرل بس سٹینڈ تا سخی سرور بھی الیکٹرو بس روٹ ہوگا۔ڈی جی خان جنرل بس سٹینڈ تا شاہ دین صدر بھی الیکٹرو بس روٹ ہوگا