پاکستان کی فارما انڈسٹری میں اصلاحات اور مقامی پیداوار کی عالمی مارکیٹ میں پیش قدمی جاری ،گزشتہ سال کی نسبت 35 فیصد اضافہ

جمعہ 26 ستمبر 2025 15:09

اسلام آباد (اُردو پوائنٹ اخبارتازہ ترین - اے پی پی۔ 26 ستمبر2025ء) پاکستان کی فارما انڈسٹری میں اصلاحات اور مقامی پیداوار کی عالمی مارکیٹ میں پیش قدمی جاری ہے ، فارما انڈسٹری میں گزشتہ سال کی نسبت 35 فیصد اضافہ ہوا ۔تفصیلات کے مطابق ایس آئی ایف سی کے تعاون سے فارما انڈسٹری اور سرمایہ کاری میں ترقی کی راہیں ہموار ہوگئی ہیں۔ وزیر صحت نے فارما انڈسٹری کے لیے آئندہ پانچ سالوں میں 30 ارب ڈالر کی برآمدات کا ہدف مقرر کر دیا۔

فارما انڈسٹری میں گزشتہ سال کی نسبت 35 فیصد اضافہ ہوا ۔

(جاری ہے)

اس اضافہ کے ساتھ امسال 500 ملین ڈالر کی برآمدات ہوئیں۔فارما انڈسٹری عالمی مارکیٹ میں قدم رکھنے کے لیے ڈیجیٹلائزیشن اور ٹیکنالوجی کی منتقلی کی طرف گامزن ہے۔ایس آئی ایف سی کی غیر جانبدار حکمت عملی کی بدولت فارما مصنوعات کی منظوری کا عمل چند ہفتوں میں مکمل ہو گا ۔کنگ حمد انسٹی ٹیوٹ آف نرسنگ کا قیام ، پاکستان اور بحرین کے تعلقات میں نیا سنگ میل ہے۔ پاکستان 90 فیصد ادویات مقامی طور پر تیار کر رہا ہے جس میں مزید اضافہ متوقع ہے۔ ڈرگ ریگولیٹری اتھارٹی آف پاکستان عالمی معیار کے مطابق فارما صنعت کی ترقی کے لیے جدید اصلاحات کر رہی ہے۔