7برس تک سوسائیڈل ڈیزیز میں مبتلا رہا، سلمان خان

جمعہ 26 ستمبر 2025 23:05

ممبئی (اُردو پوائنٹ اخبارتازہ ترین - این این آئی۔ 26 ستمبر2025ء) بالی ووڈ سپر سٹار سلمان خان نے انکشاف کیا ہے کہ ساڑھے 7برس تک خطرناک مرض ٹرائی جیمینل نیورالجیا میں مبتلا رہا جسے وہ سوسائیڈل ڈیزیز کہا جاتا ہے۔ شو ٹو مچ ودد کاجول اینڈ ٹوئنکل میں گفتگو کرتے ہوئے سلمان خان نے بتایا کہ یہ درد اتنا خوفناک تھا کہ آپ یہ اپنے سب سے بڑے دشمن کیلئے بھی نہیں چاہیں گے، یہ ہر چار پانچ منٹ بعد حملہ کرتا تھا، مجھے ناشتہ کرنے میں ڈیڑھ گھنٹہ لگ جاتا اور ڈنر تک پھر بھوکا رہتا تھا، ایک عام آملیٹ کھانے میں بھی خود کو زبردستی راضی کرنا پڑتا کیونکہ دوائیوں کا بھی کوئی اثر نہیں ہوتا تھا۔

انہوں نے بتایا کہ ابتدائی طور پر ڈاکٹروں کو لگا کہ شائد یہ دانتوں کا مسئلہ ہے، مگر اصل میں اعصاب کا مرض نکلا، پہلی بار یہ جھٹکا مجھے 2007 کی فلم پارٹنر کے سیٹ پر محسوس ہوا۔

(جاری ہے)

سلمان خان نے کہا کہ ناقابلِ برداشت درد کے باعث دنیا بھر میں اس مرض کے مریضوں میں خودکشی کی شرح سب سے زیادہ ہے۔سلمان خان نے بتایا کہ خوش قسمتی سے جدید میڈیکل سائنس نے میری زندگی آسان بنا دی، میں نے گاما نائف سرجری کرائی جس میں 7 سے 8 گھنٹے تک چہرے پر پیچ کس لگا کر علاج کیا گیا، مجھے بتایا گیا تھا کہ سرجری کے بعد درد صرف 20سے 30فیصد تک کم ہوگا، مگر خوش قسمتی سے یہ بالکل ختم ہوگیا۔

Facebook Twitter Google + Share on Whatsapp

7برس تک سوسائیڈل ڈیزیز میں مبتلا رہا، سلمان خان

متعلقہ عنوان :

مزید فن و فنکار کی خبریں