طورخم بارڈر، جعلی دستاویزات پر پاکستان آنے والے 5 افغان مسافر ڈی پورٹ

خاتون سمیت 3 مسافر اپنے ہمشکلوں کے پاسپورٹ پر پاکستان آئے تھے،ترجمان ایف آئی اے

اتوار 28 ستمبر 2025 12:10

طورخم (اُردو پوائنٹ اخبارتازہ ترین - این این آئی۔ 28 ستمبر2025ء) ایف آئی اے امیگریشن عملے نے طورخم بارڈر پر کارروائی کرتے ہوئے جعلی دستاویزات پر پاکستان آنے والے 5 افغان مسافروں کو ڈی پورٹ کردیا۔

(جاری ہے)

ترجمان ایف آئی اے کے مطابق خاتون سمیت 3 مسافر اپنے ہمشکلوں کے پاسپورٹ پر پاکستان آئے تھے۔ترجمان کا کہنا ہے کہ چوتھے مسافر کے پاسپورٹ پر جعلی امیگریشن اسٹیمپ تھی، پانچویں مسافر کے پاس سفری دستاویزات نہیں تھے۔