ملک میں سیمنٹ کی ریٹیل قیمت میں ملاجلا رجحان

سیمنٹ کی فی بوری کی اوسط ریٹیل قیمت 1382روپے ریکارڈ

پیر 29 ستمبر 2025 17:25

کراچی (اُردو پوائنٹ اخبارتازہ ترین - این این آئی۔ 29 ستمبر2025ء)ملک میں سیمنٹ کی ریٹیل قیمت میں گزشتہ ہفتہ کے دوران ملاجلا رجحان رہا۔ادارہ شماریات پاکستان کے اعدادوشمارکے مطابق 25ستمبر کو ختم ہونے والے ہفتہ میں ملک کے شمالی شہروں میں سیمنٹ کی فی بوری کی اوسط ریٹیل قیمت 1382روپے ریکارڈ کی گئی جوپیوستہ ہفتہ کے مقابلہ میں 0.32فیصد کم ہے۔ اسے قبل ملک کے شمالی شہروں میں سیمنٹ کی فی بوری کی اوسط ریٹیل قیمت 1387روپے ریکارڈکی گئی تھی۔

زیرجائرہ عرصے کے دوران ملک کے جنوبی شہروں میں سیمنٹ کی فی بوری کی اوسط ریٹیل قیمت 1449روپے ریکارڈکی گئی جوپیوستہ ہفتہ کے مقابلہ میں 0.40فیصد زیادہ ہے، پیوستہ ہفتہ میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1443روپے ریکارڈکی گئی تھی۔

(جاری ہے)

اعداد وشمارکے مطابق گزشتہ ہفتہ کے دوران اسلام آبادمیں سیمنٹ کی فی بوری کی اوسط ریٹیل قیمت 1357روپے، راولپنڈی 1361روپے،گوجرانوالہ 1420روپے، سیالکوٹ 1380روپے،لاہور1443روپے، فیصل آباد1380روپے، سرگودھا1370روپے، ملتان 1416روپے،بہاولپور1450روپے،پشاور1350روپے اوربنوں میں سیمنٹ کی فی بوری کی اوسط ریٹیل قیمت 1280روپے ریکارڈکی گئی۔

دوران کراچی میں سیمنٹ کی فی بوری کی اوسط ریٹیل قیمت 1367روپے، حیدرآباد1427 روپے، سکھر1500روپے،لاڑکانہ 1407روپے، کوئٹہ 1510روپے اور خضدار میں سیمنٹ کی فی بوری کی اوسط ریٹیل قیمت 1483روپے ریکارڈ کی گئی۔