اتحاد ایئر ویز کی ایک دہائی بعد باچا خان انٹرنیشنل ایئرپورٹ، پشاور واپسی

پیر 29 ستمبر 2025 17:25

کراچی (اُردو پوائنٹ اخبارتازہ ترین - این این آئی۔ 29 ستمبر2025ء)اتحاد ایئر ویز نے اج دس سال بعد باچا خان انٹرنیشنل ایئرپورٹ، پشاور پر واپس لینڈ کیا جو ملکی ہوا بازی کے لئے ایک اہم موقع ہے۔ابوظہبی سے آنے والی پرواز EY 276 آج پشاور پہنچی جس کا استقبال روایتی واٹر سلوٹ کے ساتھ کیا گیا۔

(جاری ہے)

اتحاد ایئر ویز ہفتے میں پانچ پروازیں ابوظہبی اور پشاور کے درمیان آپریٹ کرے گی، جن میں پیر، منگل، جمعرات، جمعہ اور اتوار شامل ہیں۔

شیڈول کے مطابق پشاور سے پرواز EY 277 صبح 8 بجے روانہ ہوگی۔اس پیش رفت کے ساتھ، اتحاد 2025 میں باچا خان انٹرنیشنل ایئرپورٹ سے آپریشن شروع کرنے والی تیسری بین الاقوامی ایئر لائن بن گئی ہے۔ اس سے قبل فلائی دبئی اور فلائی ایڈیل نے بھی اپنی پروازوں کا آغاز کیا تھا۔یہ نئی پروازیں مسافروں کو مزید سہولتیں، بہتر انتخاب اور عالمی روابط فراہم کریں گی۔