خیبرپختونخوا میں مختلف خالی نشستوں پر ضمنی بلدیاتی انتخابات ، امیدواروں کی حتمی فہرست کل جاری کی جائے گی

پیر 29 ستمبر 2025 16:42

پشاور (اُردو پوائنٹ اخبارتازہ ترین - اے پی پی۔ 29 ستمبر2025ء) خیبرپختونخوا کے مختلف اضلاع کے ویلیج کونسلوں میں مختلف کیٹگریز کی خالی نشستوں پر تیسرے ضمنی بلدیاتی انتخابات کے سلسلے میں کاغذات نامزدگی واپس لینے کی آخری تاریخ گزر گئی ہے۔

(جاری ہے)

الیکشن کمیشن خیبرپختونخوا کی جانب سے جاری شدہ اعلامیہ کے مطابق صوبے کے11 اضلاع میں 24 خالی نشستوں پر ضمنی انتخابات ہوں گے ان اضلاع میں چارسدہ، سوات، شانگلہ ، اپر دیر ، لوئر دیر، ملاکنڈ، کوہاٹ، ڈی آئی خان، ایبٹ آباد ، ہری پور اور مانسہرہ شامل ہیں ، 30 ستمبر 2025کو امیدواروں کی حتمی فہرست جاری کرکے ان کو انتخابی نشانات الاٹ کئے جائیں گے، پولنگ 19 اکتوبر 2025 کو ہوگی،22 اکتوبر 2025 کو ریٹرننگ افسران حتمی نتائج کا اعلان کریں گے۔