Live Updates

کرکٹ کا بڑا اپ سیٹ ، نیپال نے دوسرے ٹی20 میں بھی ویسٹ انڈیز کو ہراکر سیریز جیت لی

منگل 30 ستمبر 2025 12:37

شارجہ (اُردو پوائنٹ اخبارتازہ ترین - این این آئی۔ 30 ستمبر2025ء)دوسرے ٹی ٹوئنٹی میں نیپال نے ویسٹ انڈیز کو 90 رنز سے ہرا کر انٹرنیشنل کرکٹ کا بڑا اپ سیٹ کردیا اور 3 میچوں کی سیریز میں 0-2کی فیصلہ کن برتری بھی حاصل کرلی۔شارجہ میں کھیلے گئے میچ میں نیپال نے پہلے بیٹنگ کرتے ہوئے مقررہ 20 اوور میں 6 وکٹ پر 173رنز بنائے۔نیپال کی جانب سے آصف شیخ نے 8 چوکوں اور 2 چھکوں کی مدد سے 68 رنز کی ناقابل شکست اننگ کھیلی۔

(جاری ہے)

اٴْن کے علاوہ سندیپ جورا نے 63 رنز 3 چوکوں اور 5 چھکوں کی مدد سے بنائے۔ویسٹ انڈیز کی جانب سے عقیل حسین اور کائل میئرز نے 2، 2 کھلاڑیوں کو آؤٹ کیا۔ہدف کے تعاقب میں ویسٹ انڈیز کی ٹیم صرف 83 رنز پر ڈھیر ہوگئی۔ ویسٹ انڈیز کی جانب سے جیسن ہولڈر 21رنز کے ساتھ نمایاں رہے۔نیپال کی جانب سے محمد عادل عالم نے 24 رنز کے عوض 4 اور خوشحال بٴْھورتل نے 16 رنز دے کر 3 وکٹیں حاصل کیں۔نیپال کی ٹیم نے نہ صرف ویسٹ انڈیز کے خلاف تین میچوں کی سیریز میں فیصلہ کن برتری حاصل کرلی ہے بلکہ آئی سی سی کے فل ممبر کی ٹیم کے خلاف پہلی مرتبہ سیریز جیتنے میں بھی کامیاب ہوئی ہے۔