Live Updates

جنوبی افریقہ کیخلاف ٹیسٹ سیریز کیلئے قومی اسکواڈ کا اعلان، 3 نئے کھلاڑی شامل

منگل 30 ستمبر 2025 13:39

لاہور(اُردو پوائنٹ اخبارتازہ ترین - این این آئی۔ 30 ستمبر2025ء) جنوبی افریقہ کے خلاف ٹیسٹ سیریز کیلیے قومی اسکواڈ کا اعلان کر دیا گیا جس مین تین نئے کھلاڑی بھی شامل ہیں۔اعلان کے مطابق شان مسعود پاکستانی کرکت ٹیم کی قیادت کریں گے جبکہ تین نئے کھلاڑی آصف آفریدی، فیصل اکرم اور روحیل نذیر اسکواڈ کا حصہ ہیں۔

(جاری ہے)

پہلا ٹیسٹ 12 سے 16 اکتوبر 2025 کو لاہور کے قذافی اسٹیڈیم میں کھیلا جائے گا جبکہ دوسرا ٹیسٹ 20 سے 24 اکتوبر راولپنڈی میں کھیلا جائے گا، کیمپ 30 ستمبر سے 8 اکتوبر تک لاہور میں جاری رہے گا۔

پہلے ٹیسٹ سے قبل قومی اسکواڈ مزید مختصر کیا جائے گا، ایشیا کپ کھیلنے والے کھلاڑی 4 اکتوبر کو اسکواڈ کو جوائن کریں گے جبکہ اس میں بابر اعظم، محمد رضوان اور شاہین شاہ آفریدی بھی شامل ہیں۔عبداللہ شفیق، امام الحق، سلمان علی آغا، سعود شکیل، عامر جمال، حسن علی، خرم شہزاد، نعمان علی، ساجد خان، کامران غلام اور ابرار احمد بھی قومی اسکواڈ میں شامل ہیں۔