Live Updates

پاور ڈویژن، سیلاب سے متاثرہ علاقوں میں بجلی کی بحالی کے حوالے سے 30 ستمبر تک کی رپورٹ جاری

منگل 30 ستمبر 2025 13:39

اسلام آباد (اُردو پوائنٹ اخبارتازہ ترین - اے پی پی۔ 30 ستمبر2025ء) پاور ڈویژن نے سیلاب سے متاثرہ علاقوں میں بجلی کی بحالی کے حوالے سے 30 ستمبر تک کی رپورٹ جاری کردی ۔منگل کو پاور ڈویژن کی جانب سے جاری رپورٹ کے مطابق فیسکو کے زیرِ انتظام علاقوں میں 28 گرڈ اور 81 فیڈرز متاثر ہوئے، متاثرہ فیڈرز میں 71 مکمل اور 10 جزوی طور پر بحال کردیے گئے،فیسکو کے زیرِ انتظام علاقے فیصل آباد ، ٹوبہ ٹیک سنگھ، چنیوٹ اور میانوالی میں بجلی بحالی کا کام مکمل کر لیا گیاہے۔

رپورٹ کے مطابق لیسکو کے 67 متاثرہ فیڈرز میں سے 66 مکمل اور 1 جزوی طور پر بحال ہوچکا ہے ،لیسکو کے 150 متاثرہ صارفین کےلئے بجلی کی بحالی کا کام تقریباََ یکم اکتوبر تک مکمل ہونے کی توقع ہے،لیسکو کے زیرِ انتظام علاقے لاہور، ننکانہ، شیخوپورہ اور اوکاڑہ میں بجلی کی بحالی کا کام مکمل کر لیا گیا ہے ۔

(جاری ہے)

میپکو کے 181 متاثرہ فیڈرز میں سے 51 مکمل اور 127 جزوی طور پر بحال ہوچکے ہیں، میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا۔

گیپکوکے 11 گرڈز اور 103فیڈرزمتاثر ہوئے،متاثرہ فیڈرز میں سے 102 فیڈرز مکمل اور 1 جزوی طور پر بحال ہوچکا،گیپکو کے 3 متاثرہ صارفین کےلئے بجلی بحالی کا کام سیلاب کا پانی اترنے پر مکمل کر لیا جائے گا۔ پیسکو کے 88 فیڈرز مکمل اور 3 جزوی طور پر بحال کردیے گئے ہیں،پیسکو کے زیرِ انتظام علاقے سوات، صوابی اور ڈی آئی خان میں بجلی کی بحالی کا کام مکمل ہو چکا ہے۔ٹیسکو کے علاقے شمالی وزیرستان اور خیبر کے 18 متاثرہ فیڈرز مکمل طور پر بحال کر د یے گئے ہیں۔سیپکو کے زیرِ انتظام علاقے کے 44 متاثرہ فیڈر عارضی طور پر بحال کر دیے گئے ہیں، مجموعی طور پر 51 گرڈ اور 585 فیڈرز متاثر ہوئے، 396 فیڈر مکمل اور 186 کو جزوی طور پر بحال کر دیا گیا ہے ۔\932