سرگودھا ، نماز ِجمعہ پر مساجد کی سکیورٹی کے فول پروف انتظامات

جمعہ 3 اکتوبر 2025 14:50

سرگودھا (اُردو پوائنٹ اخبارتازہ ترین - اے پی پی۔ 03 اکتوبر2025ء) سرگودہا میں نماز ِجمعہ کے سلسلہ میں مساجد پر سکیورٹی کے فول پروف انتظامات کئے گئے۔ڈسٹرکٹ پولیس آفیسر محمد صہیب اشرف کی خصوصی ہدایت پرضلع بھر میں موجود اہم مساجد پر سرگودھا پولیس کے 500سے زائد مسلح پولیس افسران و ملازمین نے ڈیوٹی سرانجام دی۔ایلیٹ فورس اور محافظ سکواڈکے جوان اہم مساجداور اہم امام بارگاہوں کے اردگرد گشت کناں رہے۔

(جاری ہے)

اس کے علاوہ ٹریفک کی روانی کو برقرار رکھنے کے لئے ٹریفک پولیس کے جوان بھی الرٹ رہے۔نماز جمعہ میں شامل ہونے والے ہر شخص، گاڑی، موٹر سائیکل وغیرہ کو مکمل چیکنگ کے بعد آنے دیاگیا۔ علاوہ ازیں چیکنگ کے لئے اہم پوائنٹس پر واک تھرو گیٹ اورمیٹل ڈیٹیکٹرکا بھی استعمال یقینی بنایا گیا۔ مساجد پر پارکنگ کا مناسب انتظام کیا گیا۔ سب ڈویژنل پولیس افسران اور ایس ایچ اوزنے لگائی گئی ڈیوٹیز کو چیک کیااور ڈیوٹی کے حوالے سے بریف کیااورپولیس ملازمین کو الر ٹ رکھا۔ تمام سکیورٹی انتظامات کی ڈی پی او نے براہ راست خود نگرانی کی۔