بھارتی دارالحکومت نئی دہلی کے سٹیڈیم میں آوارہ کتوں کا راج، دو مہمان کوچز کو کاٹ لیا

یہ چیمپئن شپ کے آغاز سے اب تک کتوں کے حملوں کا پانچواں واقعہ ہے

ذیشان مہتاب ہفتہ 4 اکتوبر 2025 11:07

بھارتی دارالحکومت نئی دہلی کے سٹیڈیم میں آوارہ کتوں کا راج، دو مہمان ..

نئی دہلی (اردو پوائنٹ تازہ ترین اخبار ۔ 4 اکتوبر 2025ء ) ایک جانب بھارت اولمپکس کی میزبانی کے خواب دیکھ رہا ہے اور دوسری جانب ورلڈ پیرا ایتھلیٹکس کے دوران دو غیرملکی کوچز کو آوارہ کتوں نے کاٹ لیا۔

بھارتی میڈیا رپورٹس کے مطابق نئی دہلی کے جواہر لال نہرو اسٹیڈیم میں آوارہ کتوں کا راج قائم ہوگیا ہے۔

ورلڈ پیرا ایتھلیٹکس چیمپئن شپ کے دوران ایک بار پھر کتوں کے حملوں نے انٹرنیشنل ایونٹ کی ساکھ پر سوالات اٹھا دیے۔

رپورٹس کے مطابق بھارت میں جاری ورلڈ پیرا ایتھلیٹکس چیمپئن شپ کے دوران دو الگ الگ واقعات میں آوارہ کتوں نے دو مہمان کوچز پر حملہ کردیا۔

کینیا کے کوچ ڈینیس موانزو اور جاپان کے اسسٹنٹ کوچ میکو اوتوماستو کتوں کے حملے اور کاٹنے سے زخمی ہوگئے۔

(جاری ہے)

بھارتی میڈیا کے مطابق کتوں کے کاٹنے کی وجہ سے کینیا کے کوچ کی ٹانگ سے خون بہنے لگا تھا، کتوں کے حملے کے بعد دونوں کوچز کو قریبی ہسپتال منتقل کیا گیا جہاں انہیں ابتدائی طبی امداد فراہم کی گئی۔

#LetsTalk | After a reported dog attack on two foreign athletes & coach earlier today, here's another spotting near the mixed zone of the World Para Athletics Championships at the Jawaharlal Nehru Stadium on Friday.

What's your opinion on the situation?#WPAC2025 pic.twitter.com/fLpzohKxys
— The Bridge (@the_bridge_in) October 3, 2025

رپورٹس کے مطابق یہ چیمپئن شپ کے آغاز سے اب تک کتوں کے حملوں کا پانچواں واقعہ ہے۔ اس سے قبل ایک سکیورٹی گارڈ اور دو بھارتی شہری بھی کتوں کے حملوں کا نشانہ بن چکے ہیں۔

یاد رہے کہ ورلڈ پیرا ایتھلیٹکس چیمپئن شپ کے مقابلے دہلی کے جواہر لال نہرو سٹیڈیم میں جاری ہیں۔