کراچی: سپر ہائی وے پر جھاڑیوں سے ایک شخص کی لاش برآمد

مقتول کو فائرنگ کرکے قتل کیا گیا، شناخت نہیں ہوسکی، پولیس حکام

اتوار 5 اکتوبر 2025 19:05

کراچی(اُردو پوائنٹ اخبارتازہ ترین - این این آئی۔ 05 اکتوبر2025ء)سپر ہائی وے پر نجی ریسٹورنٹ کے قریب جھاڑیوں سے ایک شخص کی لاش ملی جسے فائرنگ کرکے قتل کیا گیا تھا۔تفصیلات کے مطابق اتوار کی صبح سائٹ سپرہائی وے صنعتی ایریا تھانے کے علاقے سپرہائی وے پر نجی ریسٹورنٹ کے قریب جھاڑیوں سے ایک شخص کی لاش ملی جسے نامعلوم مسلح ملزمان نے فائرنگ کرکے قتل کیا تھا۔

(جاری ہے)

اطلاع ملنے پرپولیس موقع پرپہنچ گئی اورلاش کوتحویل میں لینے کے بعد قانونی کارروائی کیلئے عباسی شہید اسپتال منتقل کردیا۔سائٹ سپرہائی وے صنعتی ایریا تھانے کے ڈیوٹی آفیسر سکندر کے مطابق مقتول کی عمر 30 سال کے قریب ہے، مقتول کے پاس سے ایسی کوئی چیز برآمد نہیں ہوئی جس کی مدد سے اس کی شناخت ممکن ہوسکے۔انہوں نے بتایا کہ پولیس مقتول کی تلاش ڈیوائس کی مدد سے شناخت کرنے کی کوشش کررہی ہے تاہم پولیس نے جائے وقوعہ سے واقعاتی شواہد کی روشنی میں واقعے کی تفتیش شروع کردی ہے۔