کوہاٹ ،تورچھپرمیں نامعلوم شرپسندوں کا پولیس چیک پوسٹ پرحملہ ،پولیس کانسٹیبل شہید

پیر 6 اکتوبر 2025 19:10

کوہاٹ(اُردو پوائنٹ اخبارتازہ ترین - این این آئی۔ 06 اکتوبر2025ء) کوہاٹ کے قبائلی سب ڈویژن درہ آدم خیل کے علاقہ تورچھپرمیں نامعلوم شرپسندوں نے رات کے اندھیرے میں پولیس چیک پوسٹ پرخودکار ہتھیاروں سے حملہ کردیاجس کے نتیجے میں پولیس کانسٹیبل موقع پر شہید ہوگئے جبکہ فیڈرل کانسٹیبلری (ایف سی)کا ہیڈکانسٹیبل زخمی ہوگیا۔

(جاری ہے)

ذرائع کے مطابق اتوار اور پیر کی درمیانی شب نامعلوم شرپسندوں نے درہ آدم خیل کے علاقہ تورچھپر میں قائم پولیس چیک پوست پر حملہ کردیا جس کی زدمیں آکرپولیس کانسٹیبل حضرت عمر سکنہ کندی سورک گاؤں طاؤس خیل درہ آدم خیل شہید ہوگیا جبکہ ایف سی حولدار بہادر خان زخمی ہوگیا۔

پولیس کی جوابی فائرنگ سے حملہ آور فرار ہوگئے۔یادرہے کہ تقریباً دو ہفتے قبل بھی نامعلوم شرپسندوں کی فائرنگ سے ایک پولیس اہلکار شہید ہوگیا تھا۔