ڈی جی آئی ایس آئی لیفٹیننٹ جنرل عاصم ملک نومبر کے بعد بھی ذمہ داریاں انجام دیں گے، سیکیورٹی ذرائع

پیر 6 اکتوبر 2025 20:45

راولپنڈی (اُردو پوائنٹ اخبارتازہ ترین - این این آئی۔ 06 اکتوبر2025ء) ڈی جی آئی ایس آئی لیفٹیننٹ جنرل محمد عاصم ملک کی مدت ملازمت میں توسیع کا فیصلہ کرلیا گیا، نومبر کے بعد بھی اپنی خدمات جاری رکھیں گے۔

(جاری ہے)

نجی ٹی وی نے سیکیورٹی ذرائع کے حوالے سے بتایا ہے کہ لیفٹیننٹ جنرل محمد عاصم ملک کی مدت ملازمت نومبر میں ختم ہورہی ہے تاہم وہ اس کے ڈائریکٹر جنرل انٹرسروسز انٹیلی جنس کے عہدے پر نومبر کے بعد بھی بدستور کام کرتے رہیں گے۔

واضح رہے کہ ستمبر 2024 میں لیفٹیننٹ جنرل ندیم انجم کی مدت ملازمت ختم ہونے کے بعد لیفٹیننٹ جنرل محمد عاصم ملک کو ڈی جی آئی ایس آئی تعینات کیا گیا تھا۔معمول اور روایت کے مطابق نئے ڈی جی آئی ایس آئی کی تعیناتی کا اعلامیہ وزیراعظم آفس کی جانب سے جاری کیا گیا تھا۔