کے ایم سی میں گلشن ضیا کے مکینوں کو مظاہرہ کرنے کی سزا،متاثرہ افراد کے خلاف ایف آئی آر درج

کراچی (اُردو پوائنٹ اخبارتازہ ترین - این این آئی۔ 06 اکتوبر2025ء) کے ایم سی میں گلشن ضیا کے مکینوں کو مظاہرہ کرنے کی سزا میئر، افضل زیدی، فیصل رضوی، کی ہدایت پر لینڈ گریبرز اور اسٹیٹ ایجنٹ غفار قاضی نے متاثرہ افراد کے خلاف ایف آئی آر درج کرادی۔ جس میں جھوٹے اور بھونڈے الزامات لگا کر انہیں گھر چھوڑنے پر مجبور کیا جا رہا ہے۔منگھو پیر تھانے کے ڈیوٹی افسر آصف نے کہا کہ مجھے ایسایچ او نے کہا تھا ٹان چیئرمین اور پیپلز پارٹیکے عہدیداروں کے اوپر سے فون آرہے ہیں۔

ایف آئی آر کٹواتے وقت حفیظ رند، فیصل رضوی، عدنان قریشی، سہیل مشتاق، عارف قاضی اور وگوزمیں آنے والے افراد اور گارڈز تھے۔ میں مجبور تھا۔ متاثرہ افراد نے بتایا کہ رات تین بجے 25ستمبر کو مسلح افراد نے ہمارے گھروں پر حملہ کیا۔

(جاری ہے)

ہماری عورتیں منتیں کرنے لگیں تو بے حرمتی کی۔ ایک خاتون کو ڈنڈا مارا۔ ہمارے گھر کا سامان اٹھا کر پھینک دیا۔

علاقے کے افراد نے تصدیق کی کہ یہ لوگ دس سال سے رہ رہے ہیں۔غفار قاضی فیصل رضوی کی اسٹیٹ ایجنسی کے لئے بھی کام کرتا ہے۔ عاصم حسین کچھ دن سے نہیں آرہا وہ بندوقیں لے کر پولیس اورسٹی وارڈنز کے ساتھ وصولیاں کرنے آتے تھے، ہم نے دو دو لاکھ دیئے لیکن پھر بھی ہمیں تنگ کیا جا رہا ہے۔ فیصل رضوی کہتا ہے کہ مصطفی کمال نے سارے جعلی کام کئے۔ ہم نے سارے نقشے جعلی قرار دے دیئے ہیں۔

گھر خالی کرو، کئی خاندان کنواری بچیوں کی وجہ سے نقل مکانی کر گئے۔ انکے گھروں پر غفار قاضی نے فیملیز بٹھا دی ہیں۔ ایم کیو ایم نے مدد سے انکار کردیا جبکہ لیزیں مصطفی کمال نے کرائی تھیں جو 2008-2010تک کیمپ لگا کر کرائی گئیں۔ عقیل اسوقت لیزیں کر رہا تھا اسے پکڑ کر تصدیق کی جائے۔ افضل زیدی کا بندہ شکیل ہم سے ہر مہینے رقم لے کر جاتا ہے۔ علی خورشیدی نے کہا کہ مصطفی کمال کے کام میں ہاتھ نہیں ڈالیں گے۔

یہ تو خود لڑ رہے ہیں۔ عابد ستی کے پاس گئے کہا کہ فیصل رضوی کو پیسے دے دو بچ جا گے۔ جمیل ڈائری نے ایک ہزار ایکڑ پر قبضہ کر رکھا ہے۔غفار قاضی سے رابطہ کیا تو اسٹیٹ ایجنسی سے غائب ہوگیا۔ افضل زیدی نے کہا کہ پی ڈی اورنگی با اختیار ہے میئر اسے براہ راست ہدایت دیتے ہیں مجھے علم نہیں۔ سیف عباس نے کہا کہ پی ڈی سے سوال کرو میرا تعلق نہیں۔ مفتی منیب الرحمان کے نمائندے مولانا رفیق نے کہا کہ ہمارے ساتھ رضا عباس نے اورمیئر نے فراڈ کیا۔

سنی مساجد میں دکانوں کی تعمیر رک جانے پر مساجد کے اماموں نے میڈیا کا شکریہ ادا کیا۔ پٹرول پمپ کے امالگا میشن کو جعلی قرار دیتے ہوئے سب رجسٹرار نے کہا کہ اسکین کرکے جعلی کاغزات بھیجے جا رہے ہیں۔ہم نے کام روک دیا ہے۔ فیصل رضوی کو بار بار فون کیا۔ عدنان نامی شخص نے کہا کہ صاحب بزی ہیں۔ کلثوم کی پچاس جعلی موٹیشن پر فیصل رضوی کے بندے نے کہا کہ عقیل، کلثوم کی سروس ختم کرنے کے لئے شوکاز بھیج دیا ہے، مقصود ملک نے حلفی بیان دیا۔

اینٹی کرپشن کے ساتھ تعاون کر رہے ہیں۔ اس سوال پر کہ جعلسازی پر فیصل رضوی کے خلاف کیا کاروائی کی گئی۔ سیف عباس دفتر چھوڑ کر چلے گئے۔ اینٹی کرپشن کے افسر نے کہا کہ فیصل رضوی کی جعلسازیوں کی رپورٹس ہیں اور جعلی رپورٹس پر اینٹی کرپشن جج کاروائی کریں گے۔ میئر کے نمائندے کرم اللہ وقاصی نے کہا کہ فیصل رضوی سے کچھ نہیں لیا ہمیں بھی اسکی کرپشن کی رپورٹس ہیں۔

جلد ہٹا دیں گے میئر خفیہ تحقیقات کر رہے ہیں۔ جعلی خبروں کی اشاعت پر لیٹر جاری کردیا ہے۔ کوئی بیان نہیں دے گا۔ عثمان رضا زیدی، معظم قریشی کے بارے میں بات پر میئر آفس نے فون بند کردیا جبکہ انور سیال وزیر کے بہنوئی نعمان میڈیا ڈائریکٹر نے کہا کہ ہم بغیر ثبوت کے کسی افسر کا بیان جاری نہیں کریں گے۔ لیگل نوٹس مجھے نہیں ملے۔ ہوسکتا ہے میرے کسی بندے کو پیسے دے کر خبر فیصل رضوی نے چلوا دی ہو۔ تحقیقات جاری ہیں عوام کو حقائق سے آگاہ کیا جاتا رہے گا۔