نسیم شاہ کی شادی کی تقریب میں کھانے کی ویڈیو وائرل، سوشل میڈیا پرتنقید کا طوفان

منگل 7 اکتوبر 2025 17:33

کراچی (اُردو پوائنٹ اخبارتازہ ترین - این این آئی۔ 07 اکتوبر2025ء) پاکستان کرکٹ ٹیم کے فاسٹ بولر نسیم شاہ کی ایک ویڈیو سوشل میڈیا پر وائرل ہو گئی ہے، جس میں انہیں ایک شادی کی تقریب کے دوران کھانا کھاتے دیکھا جا سکتا ہے۔ یہ تقریب قومی کرکٹرکامران غلام کی شادی کی ہے جس میں محمد رضوان، افتخاراحمد، فخر زمان، صاحبزادہ فرحان سمیت متعدد قومی و مقامی کھلاڑیوں نے شرکت کی۔

وائرل ویڈیو پرسوشل میڈیا صارفین نے مختلف ردعمل دیے ہیں بعض صارفین نے کہا کہ نسیم شاہ کرکٹ میں کم دلچسپی لینے لگے ہیں جبکہ کچھ نے ان کی صحت اور فٹنس پرسوال اٹھائے ہیں۔ کئی مداحوں نے ان کا دفاع کرتے ہوئے کہا کہ نجی تقریبات میں خوشگوار لمحات گزارنا کسی کھلاڑی کے پیشہ ورانہ رویے پر اثر نہیں ڈالتا۔

(جاری ہے)

یاد رہے کہ نسیم شاہ قومی ٹیم کے اہم بولر ہیں اور حالیہ مہینوں میں فٹنس مسائل کے باعث کچھ میچوں سے باہر رہے۔

وہ حال ہی میں مکمل بحالی کے بعد قومی اسکواڈ میں واپسی کے لیے کوشاں ہیں۔ ایک صارف نے ویڈیو شیئر کرتے ہوئے لکھا نسیم شاہ کا وزن بڑھ رہا ہے، ان کی پلیٹ چاولوں سے بھری ہوئی ہے اور ساتھ سیون اپ پی رہے ہیں،انہیں کرکٹ میں کوئی دلچسپی نہیں ہے،چند صارفین یہ کہتے نظرآئے کہ وہ شادی میں آئے ہیں انہیں آرام سے کھانا کھانے دیا جائے۔ ایک صارف نے طنزاً کہا کہ بریانی کھاؤ اورپھر10 اوورزمیں 80 سکورکھاؤ ایک اورنے کہا کہ صرف مہارت کافی نہیں ہوتی، کرکٹ کھیلنے کے لیے فٹ ہونا بھی ضروری ہے۔